Палта кои ќе бидат хит за есен 2024
Мантилите и кожeните јакни ставете ги на страна... Кои 5 вида на палта се најдоа на модните писти оваа сезона?
Ако постои свето тројство меѓу есенските палта, тоа се дефинитивно мантилите, кожeните јакни и „oversize“ сакоата.
Тие се во тренд секоја есен, но оваа година е време нешто да се промени.
На светските модни писти веќе се појавија новите трендови за сезоната есен/зима 2024 година.
Од ревиите започнувајќи од Џил Сандер, па сѐ до Шанел, можеме да заклучиме дека есенските палта оваа година ќе се носат во 5 облици: тексас јакни, јакни со животински принт, елеци, сакоа во силни бои и пончо.
Тексас јакни
Тексас јакната доживува заслужена ренесанса.
Таа може да се комбинира со едноставни парчиња облека, но и со нешто малку посвечено, со патики и со балетанки.
Годинава ќе можете да ја најдете во разни големини и дезени.
Џинс-бомберот е моделот што годинава го избраа ѕвездите на уличната мода.
Јакни со животински принт
Доколку ви се допаѓа животинскиот принт на облека, тогаш имаме одлична вест за вас: јакните и сакоата со овој дезен ќе бидат хит оваа есен.
Јакните и палатата со животински принт годинава беа дел од ревиите на истакнатите модни брендови како Кристијан Диор и Баленсијага.
За уште похрабар изглед – додадете соодветна чанта или капа со истиот принт.
Елеци
Елеците ќе бидат ултра модерни оваа сезона.
Фунционалноста и практичноста ги врати елеците во мода.
Може да се комбинираат и со дуксери, но и со елегантни кошули.
Сакоа во светли и силни бои
Светлите сакоа се совршен контраст на пригушените тонови на есента.
Црвено, зелено и жолто сако искомбинирајте со гардероба во неутрална боја.
Пончо
Во центарот на внимание оваа година на модната недела во Њујорк беше пончото.
Практично е за есенските временски неприлики и може да се комбинира и со патики и со чизми.
С. Ш. | Црнобело
Би можело да ве интересира:
Препорачуваме
Најчитани неделава
