Бои на облека кои најмногу одговараат на бринети: 5 победнички опции

Бои кои ќе ја истакнат вашата природна убавина и боја на коса, а со кои ќе изгледате елегантно и модерно.

Ако сте бринета и сакате да изгледате елегантно и модерно ова лето, обрнете внимание на боите на облеката која ја носите.

Бринетите можат да изгледаат неодоливо и фатално исто како и русокосите и црнките. 

Сè што е потребно е да научите неколку трикови за да ја истакнете вашата природна боја на коса. 

Со вистинската гардероба, кафеавата коса ќе ја истакне вашата природна убавина и ќе направи да изгледате негувано и луксузно.

Бои на облека кои одговараат на бринетите: 

Пастелни нијанси

Слоновата коска, праската, кремавата, нежно жолтата, но и лимон жолтата се најдобриот избор за вас. 

Овие бои изгледаат природно со светла кожа, која е поприсутна кај луѓето со светло кафеава коса. 

Боите на зрнестите овошја

Овде спаѓаат тонови на бордо, боите на сливите и брусницата, нијанси на малина и зрела цреша. 

Станува збор за загасити нијанси, не многу впечатливи како црвената боја, која мора внимателно да се одбере ако сте бринета. 

Тиркизна

Тиркизната боја изгледа импресивно на бринетите.

Ако сте подготвени да блеснете, тогаш облечете кошула или фустан во оваа боја. 

Доколку не сте подготвени за модни експерименти, комплетирајте го изгледот со некој додаток или накит: бисери, свилена марама, обетки или чанта.

Виолетова

Оваа боја има градација од мека и нежна нијанса до атрактивна и нагласена боја - двете опции се совршени за бринетите. 

Виолетовата боја изгледа одлично на свилена блуза, сатенски фустан, марама која може да се врзе околу главата и вратот, ремен или чанта.

Бела и кремасти нијанси

Белата боја изгледа многу добро на бринетите бидејќи нивната темна коса доаѓа до израз, а нивната кожа изгледа посветла и посвежа.

С. Ш. | Црнобело / фото: Pinterest