Златко Јовановски ја облече наследничката на империјата Swarovski: „Верувајте во чуда, бидејќи чуда се случуваат“

„Сопственичката на брендот Swarovski носи моја креација. Драги пријатели, што и да пишам малку е. Само ќе кажам да работите напорно и да верувате во чуда, бидејќи чудата се случуваат“, напиша нашиот дизајнер ЈЗЈ и објави фотки од фустанот кој го креирал за наследничката на империјата за накит.

Нашиот моден дизајнер со светско реноме, Златко Јовановски, оствари уште една модна соработка со која го привлече вниманието во модниот свет.

Фустан на Златко, познат како ЈЗЈ, овој пат носеше Викторија Сваровски, австриска поп-пејачка, но и една од наследничките на империјата за накит Swarovski.

Таа е водител на шоуто за танцување Let's Dance, па последната епизода од шоуто ја водеше дотерана во елегантен и впечатлив фустан од македонскиот дизајнер.

Црниот фустан што го носеше Викторија ја следи линијата на телото, а со панделка се врзува на грбот.

Она што го прави дизајнот светски, е златниот вез, кој е изработен рачно во модното ателје на Златко, со неколку стотини камчиња во различни големини, а кои сосема соoдветно го доловуваат името Swarovski.

„Сопственичката на брендот Swarovski носи моја креација. Драги пријатели, што и да пишам малку е. Само ќе кажам да работите напорно и да верувате во чуда, бидејќи чудата се случуваат“, напиша Златко на Фејсбук.

Нашиот дизајнер веќе неколку години соработува со многу светски ѕвезди, а негови креации носеа латино-ѕвездата Талија, пејачката Ава Макс, Муни Лонг, но неколку негови фустани беа искористени и за модните едиторијали на Cosmopolitаn.

Погледнете ги видеата:

 А. Ј. | Црнобело