Лаги кои му ги кажувам на сопругот за да го зачувам бракот

Искреноста претставува приоритет во секоја љубовна врска, но тоа не нè спречува секојдневно да кажуваме по некоја ситна лага.

Искреноста понекогаш знае да биде и груба. Блогерката Луси Кларк искрено и отворено зборува за лагите кои жените им ги кажуваат на своите мажи, за да ја зачуваат хармонијата во бракот.

1. „Сексот беше фантастичен“

Не уживам во сексот со него како некогаш, но него го усреќува помислата дека сè уште е „секс машина“, и го оставам да верува во тоа. За брачната хармонија вреди да се изговорат неколку ситни лаги за неговата сексуална моќ.

2. „Не си се здебелил“

Мојот сопруг верува дека и денес изгледа како на денот кога се запознавме. Двајцата се здебеливме со текот на времето. Го сакам таков каков што е и воопшто не ми пречат неговите вишок килограми. За жал не е мотивиран за слабеење, но секогаш бара потврда од мене дека не е предебел.

3. „Сè уште си ми секси“

Можеби веќе не ги чувствувам пеперутките во стомакот кога ќе ме погледне, но сепак сè уште сум силно заљубена во него, и сакам секој момент од животот да го поминам со него. Сè уште му велам дека тој за мене е божји дар, затоа што би било грубо да ги разбијам неговите илузии.

4. „Ми се допаѓа твојот подарок“

Не можам да се сетам на ниту еден подарок од мојот сопруг кој не бил разочарувачки. Неверојатно е што и после толку години брак, тој не го познава мојот вкус. Од друга страна, важна е намерата. Без оглед колку е подарокот лош, тој вложил труд во неговото осмислување, па така подарокот добива значајност.

5. „Не ми пречи што излегуваш со пријателите“

Секако дека ми пречи. Мојот живот би бил полесен доколку останеш дома и ми помогнеш околу децата. Сепак, излегувањата се можност малку да се опушти, а тоа долгорочно добро влијае на бракот.

6. „Не, тоа не е нова облека. Стара е.“

„Овие парчиња облека ги имам одамна, но никогаш не сум ги носела“. Ова е лага на секоја жена која е зависна од шопинг. На крајот на месецот, секогаш сме малку во минус, но мене навистина ми требаше тој фустан за на работа...

7. „Ја сакам храната која ти ја готвиш“

Не, не ја сакам. Има одвратен вкус. Мојата храна е многу повкусна, но кога ти готвиш значи дека јас не треба да готвам, и тоа навистина го ценам. Сè што може да ми заштеди време, добива плус од мене.

М. С. | Црнобело