А на некој друг ваква - никаква, убава ќе му бидам

Што е љубов? Што ме гледаш со тој празен поглед? Да си најдам некој, ќе сум била посреќна викаш.

Ќе помине време, ќе поминеш и ти. Ќе гледаш ли од далеку како ми ги исполнуваат срцево и душава со љубов? Ќе гледаш ли како некој го љуби кај мене она што ти го мразеше? Ќе има ли трошка каење во тебе, ќе ти биде ли криво?

Не сум била за тебе, болка сум нанесувала... така ти беше кажано. А дали некогаш помисли дека човекот е такво битие, ненаситно, и да ја има сета среќа на светот пак ќе ја зграби твојата.

Помисли ли љубов? Баш сите кои ти ја грабнаа среќата, сега се лигават за да се поблиску до неа. Но не љубов моја, не е оваа мала толку наивна. Таа со ангелско лице ги гледа сите ѓаволи околу неа.

А ти? Кога знаеш дека ме остави со тон љубов во срцето што ќе сториш? Ќе го исполниш своето его, машката гордост? Или вечно ќе ме гледаш со тој празен поглед и саркастично ќе се насмевнуваш секогаш кога ќе ме споменат?

Јас вечерва наздравувам, наздравувам за сите пропаднати љубови во кои припаѓа и нашата. А ти наздрави за твоето его!

Автор: Ана Мартиновска

Доколку и вие сакате вашиот текст да биде објавен, пишете ни тука!