4 неточни митови за женската вагина: Ананасот го подобрува вкусот?!

Како што и многу доктори потврдија, не е докажано дека било која храна може да го подобри вкусот на вашата вагина, ниту пак постои еден нормален облик на женскиот полов орган.

Мит број 1: Ананасот го подобрува вкусот таму долу

Без оглед на тоа каде и од кого сте го слушнале ова, токму овој мит се смета за најраширен и популарен. За жал, далеку е од вистината. Досега не е докажано дека било која храна може да го подобри вкусот на вашата вагина.

Мит број 2: Вагината би требало да изгледа на одреден начин

Не, не се сите вагини исти, ниту постои „совршена“ на која сите би требало да личат. Срамните усни се разликуваат од жена до жена и не постојат неправилни усни. Сечии се поинакви и сите се подеднакво нормални.

Мит број 3: Вагината мора темелно да ја миете

Она што е важно да не го заборавите е фактот дека миењето на вагината ја менува природната pH вредност, односно ја исфрла од рамнотежа. Затоа, би требало да се задржите до основата - нежен сапун и вода. Агресивните средства како гелови и парфимирани производи оставете ги за другите делови на телото. Оној благ мирис на вагината е сосема нормална работа, но ако забележите нешто посилен непријатен мирис, веројатно се работи за инфекција, не за недоволна хигиена.

Мит број 4: Премногу секс ја растегнува вагината

Единствената работа која може да ја прошири вагината е породувањето. Што значи, оваа бесмислица од која веројатно и вие како жена се плашите - слободно може да ја заборавите затоа што не е никако издржана и докажана.