Фази во сексот на паровите

И сексуалниот живот има нагорни и надолни линии во својот тек, периоди на страст и затишје. Сето тоа зависи од годините, односот со партнерот/ката...

 

...нивото на самодоверба и уште многу други фактори, но постојат неколку фази низ кои секој пар мора да помине.

Тука е фазата на страст и вљубеност во која не можете да ги кренете рацете еден од друг, фазата на пријатен секс, но и фазата без секс. Веројaтно секој пар минува и низ фазата кога партнерите сакат да испробаат нови работи.

Еве ги фазите низ кој секој пар задолжително минува!

Адолесцентска фаза или фаза на вљубеност
Ова е фаза во која го губите разумот и комплетно им се препуштате на емоциите. Оваа фаза обично се случува на почетокот на врската, а е преполна со секс, интимност и страст. Оваа фаза можете да ја доживеете на 19, но и 39 години.

Фаза „нова поза“
Веќе се сте искусиле заедно и имате желба да го зачините својот сексуален живот. Долго време сте заедно  и се чувствувате слободни да се обидете да ги оствариите своите сексуални фантазии. Во оваа фаза најверојатно ќе испробате некоја нова локација, нови пози или сексуални играчки. Ќе се обидувате да го зголемите сексуалното возбудување и ќе сакате сексот да го доживеете со сите сетила.

Фаза во која жалите за нешто што сте пробале
Без разлика дали заради партнерот или заради љубопитност сте пробале нешто од што сега ви се крева косата на главата. Балансот меѓу забранетото и социјално прифатливото однесување, како и меѓу разумот и страста, не е секогаш едноствен. Простете си себе си доколку сте направиле нешто за што жалите и никогаш повеќе не ја преминувајте границата која не ви се допаѓа.

Фаза секс набрзина
Немате секогаш време за палење свеќи, миризлива купка или долга предигра. Стариот добар секс набрзина во периоди на набиен распоред може да стане правило. Зошто да не? Страстно, брзо и делотворно, може да биде и интересно.

Фаза на пријатен секс
Филмските сексуални искуства секогаш се експлозивни и страствени. Во фазата на пријатен секс токму ваквите примери можат да ви создадат непријатно чувство. Не очајувајте, во долгите врски луѓето развиваат посебен однос полн со доверба и интимна поврзаност.

Тие знаат како да се задоволат меѓусебно и знаат се што сака партнерот/ката. Во оваа фаза сексот веќе не е само страст и возбуда туку длабока интимна поврзаност која силно се доживува. Сепак, ако повеќе ви се допаѓа фазата на вљубеност, обидете се да внесете некоја новина во вашиот сексуален живот.