Најубавото љубовно писмо во историјата

Роденденската честитка на Џони Кеш упатена кон неговата сопруга е прогласена за најубавото љубовно писмо во историјата.

Ова се најубавите љубовни зборови напишани во 1994-та година, за 65-от роденден на Џун Картер:

„Старееме и се навикнуваме еден на друг. Исто размислуваме. Си ги читаме мислите. Знаеме што сака другиот без едно поставено прашање. Понекогаш малку си одиме на нерви. Можеби понекогаш се сфаќаме здраво за готово.

Но понекогаш, како денес, размислувам за тоа и сфаќам колку сум среќен што животот го делам со најдобрата жена која сум ја запознал. Сè уште ме фасцинираш и инспирираш.

Твоето влијание ме прави подобар. Ти си предмет на моите желби и причина број еден заради која постојам на земјата.

Многу те сакам.

Среќен роденден, принцезо.“