Што добивате, а што губите во врската со помлад маж?

Излегувањето и состанувањето со помлади мажи не е ништо ново и непознато за девојките, исто како што е и дружењето со многу постари мажи.

Некои не се ни осмелуваат затоа што ги сметаат за недозреани или за деца, но некои пак токму во врската со многу помлади мажи ја пронашле својата среќа.

Сите имаат различни искуства од кои можат да се забележат и некои нивни маани, но и многу предности.

1. Не се доволно независни

Тие сè уште се бараат себеси, новиот предизвик пред нив. Повозрасната жена колку што ги воодушевува, толку и ги плаши. Често не знаат да јa преземат улогата на маж и да иницираат нешто, туку сметаат дека треба да ја следат жената како повозрасна и поискусна.

2. Не драматизираат

Една од подобрите работи кај помладите мажи е токму тоа што се слободни и опуштени, ретко се натпреваруваат и не прават непотребни драми. Знаат да послушаат и да прифатат, а со тоа да направат и жената да се чувствува попријатно и почитувано.

3. Добра утеха се

Особено ако жената минува низ тежок период или раскинување, помладите мажи се одлични за утеха, бидејќи знаат тотално да им ги одвлечат мислите со многу позитивни работи, знаат да им ја покажат слободата, да им се воодушевуваат и да се трудат да им овозможат врвно задоволство во сексот.

4. Полни се со живот

Тие имаат енергија, ја сакаат забавата, полни се со идеи и во тек со сите настани. За нив не е работата на прво место, па може да пружат одлично задоволство и забава. Сè што останува на жената е да се препушти тој да ја води.

5. Знаат да бидат и доволно зрели

Иако повеќето се сметаат за недоволно искусни и недоволно зрели за посериозни разговори, или врска која може да води кон нешто поголемо, некои од помладите мажи знаат да покажат поголема зрелост, одлучност и сигурност и од повозрасните.

6. Но, има и многу незрели

Често може да се најдете во непријатна ситуација кога тој не се вклопува помеѓу вашите колеги од работа, пријателите кои ви се врсници, или не ги разбира вашите потреби. Недоволната зрелост кај помладите мажи може да биде голем проблем доколку повозрасната жена има преголеми очекувања.

7. На крајот, сè е релативно

Колку што можат да се постават некои правила, толку и не може ништо со сигурност да се тврди дека е добро или лошо жените да се во врска со помлади мажи. Колку што повеќето од нив се сметаат за недоволно зрели или способни да се носат рамноправно со повозрасната жена, толку има и такви меѓу нив кои се сигурни во себе, понапредни од своите врсници и со поблиски сфаќања за животот до оние кои ги има неговата партнерка.