Што сакаат жените од нивните партнери за да бидат среќни, според психолозите?

Жените сакаат да минуваат квалитетно време со партнерот, без разлика дали ќе разговараат, ќе одат на вечера или заедно ќе гледаат филм.

Кога ќе помине почетната еуфорија во врската, неретко партнерите запоставуваат некои работи во односот.

Но, иако овие работи изгледаат како ситници, имаат огромно влијание врз врската.

Што им треба на жените за да се чувствуваат сакано, според психолозите?

Да се чувствуваат посакувано

Жените сакаат да видат дека партнерот се труди да ги освои, без разлика колку долго се заедно.

Исто како на почетокот на секоја врска, сакаат да почувствуваат дека партнерот навистина ги посакува.

Не е доволно само да иницирате секс во спалната соба, туку треба да флертувате со партнерката дури и кога не сте дома, да ѝ дадете комплимент, да ја однесете на вечера…

Да минуваат време со партнерот

Само затоа што живеете со партнерката не значи дека тоа е доволно заедничко време.

На жените им треба квалитетно време со партнерот, период од денот кога ќе бидете посветени само на неа.

Период кога ќе ѝ обрнувате внимание, ќе разговарате, ќе одвоите време за заедничка активност и слично.

Партнерот да си ги признае несовршеностите

Жените не очекуваат партнерот да биде совршен, но сакаат тој да биде свесен за неговите недостатоци.

Па, кога ќе направите грешка, немојте да пробувате да докажете дека вие сте безгрешни, туку признајте, разговарајте за проблемот и избегнувајте го во иднина.

Партнерот да ги контролира емоциите

Жените сакаат кога партнерот е ранлив пред нив бидејќи ова ја зголемува интимната близина.

Но, партнерот треба да знае и да ги контролира емоциите.

Ако, на пример, е гневен, тоа не му дава дозвола да ѝ „се истури“ на партнерката и да прави сцени дома.

Туку, треба да биде отворен за своите чувства, да разговара за нив и да се најде решение доколку има проблем.

Партнерот да ја разбира невербалната комуникација

Невербалната комуникација е исто важна колку и вербалната.

Ако забележите дека партнерката е уморна, понудете вие да подготвите вечера – не чекајте таа да ве моли.

Ако забележите дека е тажна, прашајте ја што ја мачи, ако забележите дека е под стрес, понудете да ѝ помогнете…

Партнерот да биде искрен

Довербата е темел на секоја врска и за секоја жена е важно партнерот да биде искрен.

Немојте да криете ништо од партнерката и со неа секогаш бидете што е можно поотворени.

Јавно покажување љубов

Фатете ја партнерката за рака кога сте излезени, бакнете ја прегрнете ја…

Овие ситници прават огромна разлика бидејќи ѝ покажуваат на партнерката дека вистински ја сакате.

Сакаат да знаат што партнерот мисли за нив

Важно е да ѝ кажувате на партнерката што мислите за неа.

Односно, немојте само еднаш во денот да ѝ речете „те сакам“, туку кажете ѝ дека ја сакате нејзината насмевка, дека новата фризура ѝ стои добро, дека многу добро се справила со проблемот на работа.

Со ова ја потврдувате вашата љубов и правите таа се чувствува сакано и ценето.

Спирова С. | Црнобело