Рамнотежата помеѓу работата и љубовта е невозможна мисија...или сепак не?

Како вашата кариера да не ви ја уништува врската со личноста што ја сакате? Не мора да бирате помеѓу љубовта и кариерата, треба да научите да ги балансирате овие две работи. 

Понекогаш истото се чини невозможно. За да ги избегнете ситуациите во кои ќе страда вашата врска со личноста што ја сакате, поради работата или одговорностите што ги имате, треба да поставите некои граници и да се држите кон нив.

Но исто така, треба да ги намалите очекувањата и да си дадете пет минути секој ден, или секоја недела, да размислите за тоа што мора да се направи во текот на денот, а што може да почека.

Ако сте во врска или брак треба да бидете свесни дека љубовта не може да живее самостојно, и дека за успешна врска се потребни двајца.

Пронајдете начини да одржувате блискост и да ја сочувате љубовта, без оглед на новите обврски.

Еве што може да ви помогне:

Поставете граници на работа

Научeте едноставно да кажете „не“, кога е потребно. Ако не можете да сработите нешто, ако не можете да останете прекувремено, кажете го тоа.

Доколку сепак мора да останете подолго на работа, ветете си дека ќе се вратите дома во разумен временски период, дури и ако не сте во состојба да го правите тоа секој ден, настојувајте да се придржувате кон тој принцип.

Ограничете го времето поминато на одговарање на повици или пораки

Повеќето работи не се толку итни за да мора веднаш да одговорите. За време на работното време не одговарајте на приватните пораки и не губете време на социјалните мрежи.

Кога ќе се вратите дома, најдете време за себе и за вашиот партнер. Исклучете ги известувањата на вашиот телефон и само бидете заедно.

Закажете ги состаноците

Ако сте и двајцата во метеж на работа, не е лошо да се организирате за да излезете на кафе или вечера, еднаш на секои две недели.

Подарете си десетина минути внимание секој ден

Ова може да биде во вечерните часови, кога ќе се вратите дома од работа, или кога одите во кревет. Не дозволувајте стресот да ве оддалечи од личноста што ја сакате.

Можеби нема да може да ви помогне да го решите проблемот во фирмата, но ќе може да ве ислуша.

Бакнежот и прегратката значат многу

Пред да одите на работа, немојте само вербално да се поздравувате. Бакнете се, прегрнете се. Тоа е добар начин да го започнете денот, потсетувајќи се меѓу себе колку многу се сакате, што и да се случи.

Ашера | Црнобело