Основни вежби за истегнување кои треба да ги правите после секој тренинг

Вежбите за истегнување после тренингот се еднакво важни како и самиот тренинг.

Со истегнувањето на мускулите ја смалувате можноста за повреда на зглобовите, но и на самите мускули. Вежбите мора да ги изведувате полека, без брзи движења, односно во никој случај не смеете да почувствувате болка.

Смалете го ризикот од повреди со помош на овие 5 вежби:

1. Вежби за истегнување на тетивите

Седнете на под со нозете испружени пред себе, а потоа градите спуштајте ги што поблиску до бутовите. Со рацете пробајте да ги дофатите стапалата, а кога ќе почнете да чувствувате болка, останете во таа положба 20 секунди. Не го задржувајте здивот, туку дишете нормално. Направете вкупно 4 повторувања од оваа вежба.

2. Вежби за истегнување на листовите и задните тетиви

Направете исчекор кон напред со едната нога, а другата нога нека ви биде испружена и затегната. Двете стапала мораат да бидат целосно на подлога, а со рацете потпрете се на ѕид. Кога ќе почувствувате затегнување на испружената нога, тогаш престанете со притисокот и задржете се во таа положба 20 секунди, а потоа повторете го истото со другата нога. Оваа вежба повторете ја по 4 пати за секоја нога.

3. Вежби за истегнување на грбот и рамениците

Десната рака подигнете ја и свиткајте ја, па потоа поставете ја зад главата во агол од 90 степени. Со левата рака туркајте го лактот од десната кон навнатре и задржете 20 секунди, па потоа променете ја раката. Вежбата повторете ја 4 пати.

4. Вежби за истегнување за пофлексибилни зглобови

Застанете на работ од скалило со половина стапало или на некоја стабилна подигната платформа. Држете се за ограда или ѕид, за да имате рамнотежа и подигнете ја петата д едната нога, а потоа спуштете се до најниската можна точка. Истото направете го и со другата нога и направете 20 наизменични повторувања.

5. Вежби за истегнување на грбот и рацете

Легнете на стомак, со тоа што ќе ги поставите дланките на под, а горниот дел од телото ќе ви биде подигнат. Веднаш потоа подигнете го и долниот, затегнете го телото, погледнете нагоре и задржете 20 секунди. Вежбата повторете ја 3 пати.