5 лесни вежби за жени над 50 години (а може да ги прават сите)

Колку често имате денови кога сте изморени и од работа едвај чекате да се вратите дома за да си легнете? Потоа веќе не ви се прави ништо, а најмалку од сè ви се вежба. Но, овие 5 лесни вежби ќе ве „препородат“.

Чери Шулц, инструктор по јога, со 18 години искуство во ова поле, вели дека животот не завршува откако ќе наполните 50 години и дека тоа не треба да е пречка да имате здрави навики.

Според Шулц, која на Инстаграм ја следат преку 432.000 луѓе, само затоа што имате над 50 години и сте изморени и немате сила, не значи дека треба да му се предадете на заморот.

Напротив, повеќе енергија ќе имате ако направите неколку едноставни вежби, за кои не ви треба опрема.

Шулц овие 5 вежби ги нарекува „Дневна 50-ка“, односно неколку вежби кои треба да ги повторувате секој ден по 50 пати (или да ги издржите 50 секунди).

Вежбите се едноставни:

Прво направете 50 склекови, но не на под туку на ѕид, така што ќе се допирате и оттурнувате од ѕидот.

Втората вежба се чучнувања, но наместо да се спуштате до подот, 50 пати треба да седнете на столчето.

Трета вежба се исчекори, односно 50 пати да клекнете надолу и да ја испружите едната нога во исчекор, а потоа и другата (по 25 пати со двете нозе).

Следат 50 секунди „седење на ѕид“, односно треба да се допрете со грбот до ѕидот во седечка положба, а рацете да ги испружите напред.

Сетот вежби завршува со 50 секунди планк, но наместо да стоите рамно на земја, со рацете потпрете се на столче, а телото нека ви стои исправено како во вообичаената положба за планк.

Погледнете го видеото:

А. Ј. | Црнобело