Вежби кои треба да ги избегнувате по 40-тата година (и зошто)

Како што старееме, подвижноста на нашите зглобови се намалува, а и нашето тело не е издржливо како во младоста. Па, постојат вежби кои е подобро да се избегнуваат по одредена возраст. Кои вежби да ги избегнувате по 40-тата година од животот и со што можете да ги замените?

Вежбањето, во секоја фаза од животот, е корисно за нашето здравје. Но, како што старееме, потребно е да го приспособиме нашиот тренинг, за да обезбедиме што е можно подобра функција на нашето тело.

По 40-тите години, нашите зглобови почнуваат да губат дел од нивното природно подмачкување, а коските почнуваат со процесот на станување попорозни и кревки. Ова значи дека зглобовите имаат повеќе оптоварување, при што може да имаме повеќе болка, но се зголемува ризикот од одредени повреди. Ова особено се однесува на жените, бидејќи влегуваат во менопауза и нивото на естроген се намалува.

Откако ќе се случат овие хормонални промени, се зголемува и ризикот од остеопороза, висок холестерол, висок крвен притисок и зголемување на телесната тежина.

Кои вежби треба да ги избегнуваат личностите над 40 години?

Стомачни

Класичните стомачни вежби не се оптимална вежба  бидејќи ги оптоваруваат и вратот и долниот дел на грбот. Како што старееме, подвижноста на нашите зглобови се намалува, а оваа вежба понекогаш е и доволна за да предизвика влошување во долниот дел на грбот.

Стомачните вежби не се единствениот начин да се справите со масните наслаги на стомакот и треба да ги замените со понежни вежби за стомачни мускули. Наместо тоа, одлучете се за пилатес.

Вежби за нозе со голема тежина

Справите за зајакнување на нозете во теретаната понекогаш прават повеќе штета отколку корист и треба да ги избегнува секој кој има историја на проблеми со колената. Ова е особено важно за мажи или жени кои влегуваат во рани фази на остеоартритис. Оваа вежба предизвикува болки во зглобовите и оптоварување на колената па дури и со мала тежина.

Наместо истегнување на нозете, одлучете се за чучнувања кои се побезбедни и помалку отежнувачки вежби за вашите мускули на бутовите, а сепак се добри за рутинско вежбање.

Секојдневно седнуваме на стол, кауч, па овие вежби се безбедни и за по четириесеттите години.

Трицепс вежби со подигнување

Како што старееме, спречувањето на повредата е важна работа, а понекогаш тренингот може да биде виновник за болката. Кога сме постари, на нашите тетиви, мускули и лигаменти потребно им е повеќе време за да се регенерираат, што значи дека премногу интензивен тренинг може да им направи повеќе штета отколку корист.

Поради оваа причина, најдобро е да избегнувате трицепс вежби за горниот дел од телото кој ги опфаќа трицепсните мускули, рамената, градите и грбот, а кои се прават со кревање на телото со рацете потпрени на справа или клупа за вежбање (како на фотографијата).

Наместо оваа вежба, правете склекови или кревајте тегови со помала тежина. Овие мускули на горниот дел од телото се важна група која треба да ја зајакнете со вашата рутина за вежбање, но мора да внимавате да не претерате.

Трчање со голема брзина

Кардио тренингот е важен дел на секоја урамнотежена рутина за вежбање. Но, како што старееме, времето на реакција и брзината со која се активираат нашите мускули, се намалува. Па, трчањето со големи брзини има потенцијал да го влоши долниот дел од телото, особено колената, кои апсорбираат голем дел од товарот од нашата телесна тежина.

Наместо тоа, дајте им предност на вежби со умерен интензитет, како брзо одење, кое исто така ќе го зголеми пулсот, а немате толку голем ризик од повреди или болка по завршувањето на тренингот.

Придобивки од вежбањето по 40-тата година

Вежбањето на која било возраст ги има истите главни придобивки: го подобрува нашето кардиоваскуларно здравје, помага во одржување на телесната тежина, го регулира нивото на кортизол и ја зголемува нашата сила и издржливост.

Како што старееме, вежбањето спречува појава на хронични здравствени проблеми, како што е висок холестерол, висок крвен притисок, срцеви заболувања и дебелина.

Исто така, помага во регулирањето на нивото на шеќер во крвта, што спречува појава на дијабетес.

М. Ѓ | Црнобело / фото: freepik.com