Обратен планк - вежба која го затегнува телото и троши калории

Никогаш не е премногу рано да почнете со вежбање за да го затегнете телото пред почетокот на летото. Или, пак, да вежбате за да ги зацврстите мускулите и да се чувствувате поубаво и поздраво во сопственото тело.

Иако има многу вежби кои може да ги правите или комбинирате, обратен планк е вежба која ќе ви помогне брзо да дојдете до целта.

На почетокот нема да ви биде едноставна, но ако не се откажете, по само неколку дена ќе сфатите дека не е толку тешка.

Како да ја направите?

Седнете на подот и потпрете се на рацете кои ќе ги ставите малку зад телото.

Затегнете ги стомакот и задникот, а колковите кренете ги нагоре.

Направете права линија од рамениците до петиците (како даска) и останете во таа положба 30 секунди.

Ако не сте во форма, почнете со 15 секунди, а потоа задникот полека спуштајте го кон подот и седнете.

Повторете ја вежбата уште три до пет пати по 15 секунди.

Како што ќе ви се зголемуваат силата и издржливоста, продолжувајте го времето на 30, па 45, а на крајот дојдете до 60 секунди.

Секојпат правете 3 до 5 повторувања од вежбата. Резултатите ќе ги забележите за неполн месец.

Кој е ефектот од обратниот планк?

Веќе по неколку дена ќе ги почувствувате првите промени во делот на стомачните мускули, рамениците, задникот и задниот дел на нозете.

Оваа вежба помага за затегнат задник и бутови. За разлика од обичните планк вежби, обратниот планк ги оптоварува мускулите на задникот.

Троши калории. Додека сте во оваа положба, калориите се трошат повеќе отколку при изведување неколку динамичните вежби одеднаш. Дополнително, кај повеќето луѓе кои ја практикуваат оваа вежба се подобрува работата на метаболизмот.

Исправен 'рбет. Обратниот планк го подобрува држењето на телото, бидејќи при изведувањето на оваа вежба ги користиме мускулите кои помагаат 'рбетот да стои исправено. Ова е посебно важно за оние кои работат во канцеларија.

Ги намалува болките и грчевите во грбот. Ако правите барем 3-4 пати неделно обратен планк, ќе се ослободите од болките во грбот.

Рамен и затегнат стомак. При изведување на вежбата важно е карлицата да не се спушта, главата да не се зафрла наназад, а грбот мора да биде максимално рамен. Па така, обратниот планк не само што ги јакне рацете, стомакот и нозете, туку и ги истегнува мускулите во делот на рамениците.

А. Ј. | Црнобело