Група кучиња со инвалидитет на прошетка со инвалидски колички во Тајланд

Несовесни возачи ги оставиле овие кучиња со сериозни повреди и без можност да се движат, но група хумани луѓе им дава втора шанса за среќен живот.

Група од 27 кучиња со инвалидитет од едно прифатилиште за кучиња во Бангкок, Тајланд, среќно се шетаат со помош на инвалидски колички.

Со размрдани опавчиња и енергични потези, кучињата повторно можат слободно да се шетаат, по сообраќајните незгоди кои ги оставиле инвалиди.

Бездомните кучиња кои живеат во ова прифатилиште имаат среќен живот и луѓе кои се грижат за нив.

Инаку, во ова прифатилиште се грижат за повеќе од 600 кучиња собрани од улиците и за прехранување на околу 350 кучиња кои уште живеат на улиците.

Хуманитарната организација која им помага на кучињата се вика „The Man That Rescues Dogs“ и е основана во 2002 година кога Швеѓанец се доселил во Тајланд и почнал да собира донации за нега на кучињата оставени на суровите услови на улицата. Во активностите учествуваат многу волонтери.

Сепак, сега се соочуваат со проблеми околу негата за кучињата поради намалените донации во време на пандемијата.

Фотки од кучињата со инвалидитет, кои добиле втора шанса за среќа:

• 
• 
• 
• 
• 
• 
• 
• 
• 
• 
• 
• 
•  

С. С. | Црнобело