Лекција за пријателството: Питбул во уста ја пренесува повредената чивава

Пред неколку дена во Џорџија била забележана женка питбул по име Џоана, како во уста ја носи својата мала пријателка чивава.

Полицајците од организацијата „Аnimal control“ ја забележале Џоана како ја носи чивавата и повремено ја спушта на земја за да и го излиже повреденото и инфицирано око.

На фотографиите може да се забележи дека чивавата уживала во вниманието кое ѝ го посветува пријателката питбул.

„Не се случува секој ден да видиме толку љубов помеѓу две толку различни врсти кучиња, како овие две“ – рекла Кристина Сутерин од организацијата „Animal control“ и додала дека се многу слатки животинчиња и дека токму таа посебна врска која ја имаат ги поврзува.

Ветеринарите морале да ѝ го извадат окото на чивавата Чача, но и да ја одвојат некое време од Џоана, додека не заздрави.

Сепак, тие наоѓаат некој начин барем малку време да поминат заедно.

Сите се зачудени од посветеноста и љубовта која овие две кутриња ја имаат меѓу себе.

На почетокот полицијата мислела дека ќе се појави сопственикот на двете кучиња, но откако тоа не се случило, останува надежта дека некој ќе сака да ги посвои двете заедно.

Ниедно од нив не обрнува внимание на другите кучиња околу нив, туку се гледаат само едно со друго, како да се две сродни души.

Пример за вистинско пријателство од кое дури и луѓето може да учат.