Врска со сестрата на Дијана, зел пари од семејството на Осама бин Ладен: Скандалите кои кралот Чарлс сака да ги заборавиме

Знаевте ли дека Чарлс имаше кратка врска со сестрата на Дијана пред да ја запознае неа? А, знаете ли дека прифатил околу 1,2 милиони долари од семејството на Осама бин Ладен?

Во текот на нејзиното владеење, кралицата Елизабета се соочи со безброј кралски скандали и некако успеваше да се справи со нив и да го одвлече вниманието на јавноста.

И нејзиниот наследник, сегашниот крал Чарлс, бил дел од неколку скандали, а Елизабета навистина умешно се справи со нив.

Сепак, сега кога тој е на тронот, јавноста повторно се потсетува на скандалите на кралот Чарлс кои можеби и не треба да се заборават.

Дел од нив во продолжение:

Беше во врска со сестра на Дијана

Во 1977 година, пред да ја запознае Дијана, Чарлс беше во врска со нејзината сестра Сара.

Нивната врска траеше околу седум месеци, а подоцна Сара тврдеше дека тие не биле вљубени еден во друг, како и дека била пресреќна што Чарлс ја одбрал Дијана.

Телефонскиот разговор кој ја откри неговата афера со Камила

Денес аферата на кралот Чарлс и Камила им е добро позната на сите, но своевремено беше можеби најголемиот скандал во кралското семејство.

Во периодот кога Чарлс беше во брак со Дијана имаше гласини дека тој ја изневерува, а телефонскиот разговор со Камила кој протече во јавноста ги потврди сомнежите.

Телефонскиот разговор беше споделен со јавноста во 1992 година, а наводно бил направен во 1989 година.

Во разговорот, Чарлс ѝ вели на Камила дека би сакал да се претвори во тампон за да може да живее во нејзината долна облека.

Разделбата со Дијана

Чарлс и Дијана беа разделени цели четири години пред конечно да се разведат.

Тие се разделија во 1992 година, а се разведоа во 1996-та.

Дијана била свесна за аферата на Чарлс и Камила, а иако беа разделени, тие сепак заедно извршуваа кралски должности.

Чарлс ја призна аферата дури во 1994 година и беше остро осудуван од јавноста.

Стапи во брак со разведена жена

До почетокот на 2000-тите, членовите на кралското семејство не смееја да стапуваат во брак.

Поради ова, чичкото на кралицата Елизабета се откажа од тронот, а сестрата на кралицата не смееше да се венча со нејзиниот избраник.

Но, Елизабета го промени правилото само за Чарлс, а за многумина ова не било фер за сестрата и чичкото на Елизабета, но и други членови на семејството кои морале да се откажат од идејата за брак со личноста што ја сакаат.

Камила се разведе од првиот сопруг во 1995 година, а се венча со Чарлс во 2005 година.

Продолжува на следната страница...