Коса долга 180cm, ја чешла по 1 час: Рин Камбе се нема шишано 15 години (фото)
Косата на Рин Камбе е долга 180cm, за 13cm повеќе од нејзината висина, па затоа најчесто мора да носи многу високи потпетици. Рин е манекенка и танчерка по потекло од Токио која ја нема скратено косата повеќе од 15 години.
Нејзиниот детски сон бил да стане фризерка, а родителите не ѝ дозволувале да има долга коса.
„Имав строги родители, а тренирав и фудбал. Заради овие две причини косата мораше да ми биде кратка, но кога наполнив 20 години, решив да ги игнорирам родителите и да си го остварам сонот за долга коса.“
Таа вели дека секој ден поминува еден час во чешлање и дека најчесто ја носи собрана во пунџа. Најмногу и пречи кога се пресоблекува, но нема намера да ја крати.
Ја користи и за „шмек“ во нејзините танцови движења, а луѓето се најчесто воодушевени од настапите.
За да ја одржи косата здрава, јаде храна богата со железо, спие 7 часа дневно и редовно вежба.
Честопати ја нарекувале чудовиште заради косата, но таа смета дека тоа е најубавото нешто што го поседува.
Е. П. | Црнобело
Би можело да ве интересира:
![](https://www.crnobelo.com/media/com_jvrelatives/images/thumbs/com_content_103593_400.jpg)
![](https://www.crnobelo.com/media/com_jvrelatives/images/thumbs/com_content_110170_400.jpg)
![](https://www.crnobelo.com/media/com_jvrelatives/images/thumbs/com_content_106613_400.jpg)
![](https://www.crnobelo.com/media/com_jvrelatives/images/thumbs/com_content_105820_400.jpg)
![](https://www.crnobelo.com/media/com_jvrelatives/images/thumbs/com_content_104438_400.jpg)
![](https://www.crnobelo.com/media/com_jvrelatives/images/thumbs/com_content_105480_400.jpg)