„Оној што ги сака коњите, силно интуитивен“ - каква симболика крие името Филип?

Името Филип потекнува од грчкиот збор „Philippos“ што значи љубител (пријател) на коњите. Оригиналната форма на името е: Φίλιππος. Детално објаснето значење на името: „оној кој сака коњи“, од φιλέω - сака, љуби и ἵππος - коњ.

Ова име е популарно на сите јазици во христијанската цивилизација, вообичаено името Филип се поврзува со апостолот Филип. Притоа треба да се знае дека има двајца апостоли со тоа име, едниот е апостол од дванаесетте, а вториот е од 70-те апостоли, којшто бил и ѓакон.

Најраниот познат Филип бил кралот на Македонија, татко на Александар Велики и неколку други владетели на античка Македонија.

Од Франција пак, каде што името Филип го носеле неколку средновековни кралеви, истото се раширило низ Западна Европа.

Името Филип е особено популарно во Македонија, Србија и Хрватска и речиси секогаш е во првите 10 најпопуларни машки имиња во регионот.

Доколку го носите името Филип, вие имате моќ на изразување, било да зборувате или пишувате. Особено сте надарени за учење и истражување. Вие сте умни, конкретни, вистински интелектуалци. Силно интуитивни сте и најверојатно покажувате афинитети кон уметност, драма или наука.

(О)Милена | Црнобело