10 топли, божиќни честитки за најубавиот празничен ден

Честит Божиќ! Христовото раѓање е еден од најголемите празници кои го задоволство ги прославуваме.

Ова е ден за семејството, ден за љубов, ден за полна трпеза, ден за мир во душата. Каде и да си, за Бадник дома да си. А за Божиќ со најсаканите.

Честитајте го со една од нашите 10 топли, божиќни честитки:

Нека ве грее огнот на среќата, нека душата ви биде исполнета со топлина, срцето со милост, очите со светлина. Нека радоста ве води, Христос се роди.

Простете им на оние коишто ви згрешиле, побарајте прошка од оние на кои сте им нанеле тага и неправда. Во мирната божиќна ноќ, нека во вашето срце се всели радост, љубов и надеж. Честит Божиќ.

Доброто со добро нека се враќа, лошото нека стане далечен спомен. Каде и да чекорите нека ве следи божјата милост, а домот нека ви биде исполнет со среќа и благосостојба.

Нека бадниковата вечер го избрише сето она што сакаш да го заборавиш, а божиќното утро ти донесе здравје, среќа, љубов и божји благослов!

Светла ѕвезда патот нека ви го води, денес е Божиќ – Христос се роди!

На овој светол ден почувствувај го светото присуство, вкуси ја бескрајната љубов и дозволи да се всели во срцето, во домот, насекаде околу тебе. Честит Божиќ.

Нека празникот ви дарува богата трпеза, полно срце, чисти мисли, бистар ум. Божиќ доаѓа, ни се приближува Бог.

Да се обидеме да ја зачуваме божиќната магија во текот на целата година, за да бидеме подобри, да сакаме посилно и да правиме по едно мало чудо секој ден. Среќен Божиќ!

Воздухот е исполнет со радост, мирот и топлината царуваат во нашите срца. Да нè служи здравјето подолго за да уживаме секоја година во божиќното чудо.

Вербата, надежта и љубовта нека бидат нашите ѕвезди водилки во овој чудесен, божиќен ден. Милоста божја нека ве облее, нека душата ви се искапе во празнична светлина. Честит Божиќ.

(О)Милена | Црнобело