8 неверојатни латиноамерикански жени кои влегоа во историјата

 Запознајте се со 10 жени кои храбро застанаа и се изборија за своите права, инспирирајќи милиони ширум светот.

За овие жени со право може да се каже дека воделе значаен живот:

Ригоберта Менчу

Оваа Латиноамериканка е позната по својата борба за правата на луѓето и домородното население во нејзината земја Гватемала. Таа е добитник на Нобелова хаграда за мир во 1992 година.

Ева Дуарте де Перон

Една од најсаканите и најконтроверзните фигури со аргентинско потекло. Таа е првата дама на Аргентина и заслужна е за донесување на правото на глас за жените во Аргентина во 1947 година. Таа, исто така, се залагала да вклучи поголем број на жени во политиката.

Тереза Карењо

Оваа дама е позната како еден од најголемите таленти за пијано. На само 9 години настапува на својот прв концерт во Њујорк, а подоцна таа ќе настапи и во Белата куќа за претседателот Абрахам Линколн.

Хермила Галиндо

Галиндо била пионер на феминистичкото движење во Мексико и цел свој живот и политичка кариера ја посветува на одбрана на правата на жените. Го основа феминистичкиот семинар „Модерна жена“, кој го промовира развојот на жените и нивната позиција во општеството.

Сестрите Мирабал

Сестрите Патрија, Минерва и Марија Тереза Мирабал биле борци против диктатурата на Рафаел Леонидас Труилјо во Доминиканската Република. Не престанале со својата борба се до денот кога Рафаел наредил да бидат убиени. Мислејќи дека на овој начин ќе ја обезбеди својата диктаторска позиција тој направил круцијална грешка, што многумина веруваат донело до неговото убиство една година подоцна.

Изабел Аленде

Писател со потекло од Чиле, позната по своите новели. Има продадено повеќе од 57 милиони копии низ светот и нејзините дела се преведени на 35 јазици. Во 2014 добива награда Претседателски медал за слобода од американскиот претседател Барак Обама.

Чавела Варгас

Познатата пејачка со уникатен, мелодичен глас била бунтовник од самата младост. Се облекувала во машка гардероба, пушела цигари, пиела алкохол и со себе носела пиштол. Позната е по своето црвено пончо и била омилена пејачка и муза на Педро Алмодовар. Во неколку интервјуа изјавува дека сака да умре во недела, а нејзиниот погреб да се одржи во понеделник или вторник за да не им го расипе виендот на најблиските.

Фрида Кало

Таа е една од најпознатите светски уметници, со потекло од Мексико. Фрида во своите дела ги прикажува страдањата кои ги преживеала по сообраќајната несреќа која ја доживува на 18 години. Во 1939 година ги прикажува своите дела во Франција по покана на Андре Бретон. Едно од нејзините дела е прво дело на мексикански уметник прикажано во музејот во Лувр.

К. Д. | Црнобело