Какво значење имаат боите на велигденските јајца?

Веројатно црвените јајца се веќе офарбани, а оние шарените ќе почекаат до сабота. Во меѓувреме, откријте која боја какво значење има.

Зошто секоја година купуваме и бираме што поубави и поквалитетни бои? Кое е нивниото значење?

Доколку не сте знаеле:

Жолтата боја на јајцата симболизира чистота, светлост, раѓање, невиност и радост.

Портокаловата боја на јајцата симболизира издржливост, сила и амбициозност.

Златната боја симболизира духовно богатство и мудрост.

Розовата боја симболизира успех и задоволство.

Црвената пак, симболизира духовна будност, делотворност, мирољубие, радост за животот и љубов.

Сината боја на јајцата симболизира вистина, добро здравје и верност.

Виолетовата боја ја симболизира вербата, довербата и трпеливоста.

Зелената боја означува плодност, здравје, надеж, светлина и богатство.

Кафеавата фарба симболизира великодушност, жетва и приземјеност.

Наполнете ја овогодинешната кошница со сè од горенаведеното.

М. Д. | Црнобело