Научниците велат: Мрзливите луѓе се поинтелигентни

Сите ние добро знаеме дека вежбањето е една од најважните активности, но не сите се расположени да бидат активни. Зошто?

Едно истражување вели дека причината поради која одредени луѓе не спортуваат може да се поврзе со интелигенцијата, поточно високата интелигенција.

За да откријат која е поврзаноста меѓу спортувањето и нивото на интелигенција, тим од истражувачи од Универзитетот во Флорида го проучувале однесувањето на 60 студенти.

Пред да започне експериментот, од студентите било побарано да пополнат прашалник кој ги поделил меѓу оние кои премногу размислуваат и оние кои сакаат да избегнуваат решавање на предизвици и проблеми.

Потоа била мерена нивната физичка активност.

Резултатите покажале дека оние кои премногу размислуваат помалку се движат од другата група, посебно за време на работната недела.

Зошто се случува ова?

Авторите на истражувањето велат дека на интелектуалците ретко кога им е здодевно и затоа не бараат забава во спортувањето и рекреацијата.

Од друга страна, останатите преферираат забава која се врзува со нивното тело, повеќе од нивниот ум.

Сепак, и покрај резултатите, високото ниво на интелигенција не треба да се користи како изговор зошто да не вежбате, велат научниците.

Н. Г. | Црнобело