Модерен дедо: Од Фејсбук побарал 98 лајка за неговиот 98-ми роденден

За повеќето од нас, родендените се време кога знаеме дека многу пријатели ќе се сетат на нас и ќе ни честитаат. Во денешно време еден од најлесните начини за тоа е секако Фејсбук.

Едно семејство се определило за предроденденски предизвик за дедото, поставувајќи фотографија на која дедото држи натпис „Мојата ќерка мисли дека не можам да добијам 98 лајка за тоа што полнам 98 години. Можеме да и докажеме дека греши?“.

Овој модерен дедо се вика Алфред Бирч. Животот го поминал работејќи како инспектор во НАСА, но непосредно пред својот 98-ми роденден бил хоспитализиран во болница. Неговата ќерка Дејл Бирч и неговата внука Џулија Гесвел сакајќи да го развеселат и охрабрат ја смислиле оваа интересна идеја.

Сликата, објавена на профилот на Џулија за помалку од 24 часа добила над 100 лајкови, а до денес има над 36 илјади.

„За неговиот роденден тој доби повеќе од 12 илјади роденденски честитки од луѓе од целиот свет“ – објаснува Јулија.

„Кога погледнавме на картата сфативме дека тој добил честитки од 42 од вкупно 50 земји на САД. Кога му кажавме колку луѓе му честитале беше воодушевен и не можеше да поверува.“ - додава таа.

Алфред сега е дома и се подготвува да го прослави својот роденден со семејството на 28-ми март. 

М. С. | Црнобело