Не зависете од никого, бидете самостојни!

Ги паметите ли плановите за кога ќе наполните 18 да се отселите од семејната куќа и да почнете да живеете сами?

Сигурно сте сакале да најдете работа покрај која ќе може да излегувате и да студирате истовремено, но тие планови со време избледнале или ви изгледале невозможни, па сте се откажале од нив.

Сега е вистинското време да ги остварите!

Доколку не знаете од каде да почнете, следете ги овие едноставни совети и направете го првиот чекор кон вашата слобода:

- Одлучете што сакате да работите и испланирајте прецизно како ќе ги потрошите заработените пари за остварување на вашата независност.

- Запишете ги сите ваши активности во текот на една недела. Направете динамичен распоред кој ќе ги вклучува идната работата и студирањето истовремено.

- Почнете да ги прелистувате огласите, но не се фокусирајте целосно на нив. Не го запоставувајте учењето во никој случај.

- Посветете време на вашето CV и мотивационо писмо. Направете ги привлечни и професионални. Зачинете ги со вашата креативност и аплицирајте на повеќе работни места.

- Бидете флексибилни и без разлика колку и да сте зафатени никогаш не ги одложувајте важните обврски.

- Почнете да изучувате странски јазик кој ќе го надополни вашето CV со нов сертификат и ќе ви ги отвори портите кон еден непознат свет.

- Читајте книги бидејќи тие се извор на мудрост и идеи. Покрај тоа што ќе ги подобрите вашите комуникациски вештини за идното интервју за работа, ќе бидете и духовно побогати.

- Намалете со журките и алкохолот и посветете се на учењето и работата. Нив оставете ги за прославување на вашиот иден успех.

- Не заборавајте на вашите најблиски и одвојувајте барем еден ден во неделата за да бидете со нив. Нивната поддршка ќе ви биде потребна доколку се одлучите на осамостојување.

- Размислувајте позитивно и никогаш не се залажувајте себеси. Запомнете дека позитивните мисли се тие кои ќе ви донесат позитивен резултат.