Дел од морничавите случаи кои ја инспирирале серијата Adolescence: Тинејџер избодел девојче заради видео

Ава Вајт

Ава Вајт од Ливерпул имала само 12 години кога била убиена од страна на 14-годишно момче.

Причината била караница поради видеа кои момчето сакало да ги сподели на Snapchat.

Во ноември 2021 година, Ава и нејзините пријателки на возраст од 11 до 15 години, биле пред Кралскиот театар во Ливерпул каде што пиеле алкохол и чекале да бидат вклучени божиќните светилки.

Убиецот и тројца негови пријатели (на возраст од 13 до 15 години) ги снимале и сакале да ги објават видеата на Snapchat.

Ава ги забележала и ги замолила да престанат да ги снимаат и да ги избришат видеата.

Тогаш, 14-годишното момче извадило нож, ја прободело Ава во вратот, се насмеало и избегало.

Убиецот и трите момчиња биле уапсени истата вечер, додека Ава била однесена во болница, каде што, за жал, им подлегнала на повредите.

Убиецот доби доживотна казна затвор, а по 13 години ќе може да побара условно ослободување.

Останатите деца биле ослободени.

Елиен Андам

Елиен Андам била убиена на 15-годишна возраст, од страна на 17-годишниот Хасан Сентаму.

Хасан бил дечко на пријателка на Елиен, но таа му раскинала.

По раскинувањето, Елиен ѝ правела друштво на другарка ѝ која била договорена да се сретне со Хасан, за да си ги вратат работите што си ги дале додека биле заедно.

Хасан требало да донесе кадифено мече што ѝ припаѓало на пријателката, но бидејќи не го донел, Елиен не дозволила тој да ги земе неговите работи.

По ова, Хасан почнал да ја брка Елиен, пред да ја избоде четирипати.

Убиството се случило во 2023 година, на улица во Лондон додека било ден.

Хасан претходно имал напаѓано други девојки и честопати носел нож со себе, а на крај доби доживотна казна затвор, со можност за помилување по 23 години.

Спирова С. | Црнобело