6 придобивки од читањето (кои се доказ дека треба да се фатите за книга веднаш)

Читањето е помоќно од гледање филм. Додека сме потонати во приказната, нашите проблеми и грижи се ставаат во втор план.

Дали сте вљубеници во читањето и често ја посетувате вашата локална библиотека или книжарница?

Велат дека покрај благосостојба на духот, читањето може да помогне и при проблеми со менталното здравје, како што се депресија, анксиозност и тага.

Неколку придобивки од читањето:

Намалување на стресот

Кога читаме, ние се внесуваме во светот на писателот и создаваме сопствена визуелна претстава за неговите зборови.

Ова често може да биде помоќно од гледање филм.

Додека сме целосно потонати во приказната, нашите сопствени проблеми и грижи се ставаат во втор план. Така, читањето станува здраво бегство.

Учење од туѓи искуства

Читањето ни помага да учиме од искуствата на другите луѓе, што може да ни помогне да се снајдеме во некои ситуации во животот.

Со читањето сфаќате дека не сте сами во некое негативно искуство.

Плус, читањето ја зголемува самодовербата, бидејќи колку повеќе знаење имаме, толку повеќе се зголемува сигурноста во себе.

Стимулирање на мозокот

Читањето го стимулира мозокот, зголемувајќи го протокот на крв и внесот на кислород.

Редовното читање може да помогне во превенција на губење на меморијата, деменција и Алцхајмерова болест.

Поттикнување на креативноста

Читањето е одличен извор на идеи. Доколку сте писател, новите идеи можат да ви помогнат во пишувањето или во која било друга креативна активност.

Читањето ви дава перспектива и идеи за тоа како да ја раскажете сопствената приказна.

Збогатување на речникот

Постојат многу начини да се каже истата работа, а колку повеќе зборови знаете, толку подобро ќе можете да се изразите.

Намалување на чувството на осаменост

За оние што живеат сами, особено постарите лица, читањето создава чувство на поврзаност.

Иако е индивидуална активност, читањето ги вовлекува читателите во животот на некој друг. И може да биде како да имате друштво, што е особено важно за постарите и децата.

Треба деновиве да одвоите време за книга, зарем не?

С. С. | Црнобело