Дрво високо 115 метри, мост долг 160 километри - Кои се најголемите работи во светот?

Највисокото дрво има дури 115 метри, додека најголемата природна пештера има длабочина од околу 150 метри.

Сте се запрашале ли колку време ќе ви треба за да поминете низ најдолгиот тунел со автомобил или, пак, колкава била најголемата птица што живеела на Земјата?

Дел од најголемите работи во светот:

Најголемото и највисокото дрво во светот

Највисокото дрво во светот е од видот џиновска секвоја (лат. Sequoiadendron giganteum) и се наоѓа во Северна Калифорнија.

Дрвото е високо дури 115 метри.

Овие дрвја се огромни, па и дрвото со најголемото стебло е од истиот вид.

Неговото стебло зафаќа површина од 1.483 метри кубни, а обемот на основата на стеблото е дури 31 метар.

И ова дрво се наоѓа во Калифорнија.

Најголемата природна пештера

Ханг Сон Дунг во Виетнам се смета за најголемата пештера во светот.

Се наоѓа во близина на границата со Лаос, а се верува дека се формирала пред две до пет милиони години.

Пештерата е долга околу девет километри, додека нејзината најдлабока точка се наоѓа на околу 150 метри под земја.

Најголемата птица во светот

Денес, најголемата птица во светот е нојот.

Но, пред околу шест милиони години, постоела птица, позната како argentavis, која била многу, многу поголема од ној.

Според досегашните наоди, птицата била висока помеѓу 1,5 и 1,8 метри, додека нејзината должина од врвот на клунот до врвот на опашката била околу 3,5 метри.

Распонот на крилјата, пак, бил помеѓу 5 и 6,5 метри.

Ова е најголемата птица која можела да лета за којашто знаеме.

Најголемиот цвет

Најголемиот цвет во светот е од видот Rafflesia arnoldii, нарекуван и „цвет труп“ поради својот непријатен мирис.

Интересно е што цветот е всушност паразит, односно се прикачува на други растенија и ги „краде“ нивните хранливи материи.

Дијаметарот на цветот достигнува околу еден метар, може да тежи и 11 килограми, а вирее во дождовните шуми на Малезија и Индонезија.

Највисокиот водопад

Ангелскиот Водопад во Венецуела е највисокиот водопад на површината на Земјата и има висина од околу 800 метри.

Но, ако се земат предвид подводните водопади, тогаш највисокиот се наоѓа под такнаречениот Дански Проток кој ги дели Гренланд и Исланд.

Во оваа област, студената вода од Норвешкото Море се сретнува со потоплата вода на Ирмингеровото Море.

И, поради разликите во температурата, се создава вид водопад, односно место каде што постудената вода „паѓа“ на океанското дно.

Водата паѓа од височина од околу 3 километри.

Продолжува на следната страница...