Бон-тон правила на кои најчесто не им обрнуваме внимание (иако треба)

Во комуникацијата на социјалните мрежи, можеби ви е полесно да оставате гласовни пораки, но се смета за некултурно да почнете да праќате вакви пораки без претходно да го прашате соговорникот дали може да слуша.

Гел ноктите се одлични само доколку имате време редовно да одите кај професионалци и да не дозволите тие да подраснат и да изгледаат неуредно. Доколку не сте во можност да го правите тоа, најдобро е да користите обичен лак или да не ги лакирате.

Дополнително, се смета за некултурно да се појавувате со распукан или полуизбришан лак, затоа што на тој начин оддавате впечаток дека сте некултурна личност, која не води сметка за сопствениот изглед.

За време на важни формални настани, дамите треба да носат хулахопки дури и кога надвор е премногу топло. Исто така, чевлите треба да бидат затворени и да не се гледаат прсти.

Ако разговарате со мало дете, учтиво е да се наведнете на негова височина. На детето нема да му биде пријатно да ве гледа одгоре како му се обраќате.

Ако ја држите вратата за некој што сè уште е далеку, само му правите да се чувствува неубаво и непотребно да брза. Вратата се држи отворена само за луѓето што се во ваша непосредна близина.

Б. С. Б. | Црнобело