Бон-тон правила на кои најчесто не им обрнуваме внимание (иако треба)

Вистинските дами на важните настани носат хулахопки, дури и кога надвор е топло. Столчињата во автобус служат за седење, а не за потпирање на нозете, а дама ослободува место на друга жена само кога е видно повозрасна од неа. Се почитуваат ли овие бон-тон правила и кај нас?

Во минатото бон-тон правилата биле многу построги и се однесувале на речиси сите аспекти од животот.

Во новото модерно време, голем број од овие правила се забораваат, па се чини дека многу често повеќе сме сконцентрирани на сопствените потреби и не обрнуваме внимание дали со нашето однесување ќе направиме луѓето околу нас да се чувствуваат пријатно.

Од начинот на којшто се однесуваме во јавниот превоз, до начинот на којшто комуницираме преку социјалните мрежи.

Во продолжение погледнете неколку интересни бон-тон правила на кои треба да обрнете внимание:

Кога сте во автобус можете да разговарате со личноста што седи до вас или со пријателите, но со тивок тон.

Ако добиете телефонски повик додека сте во јавен превоз, најдобро е да исклучите или да ѝ кажете на личноста што ве бара дека ќе разговарате подоцна.

Дополнително, денес постојат голем број начини на комуникација со помош на пораки, па нема потреба сите да ви го слушаат разговорот.

Исто така, запомнете дека седиштата во автобусот се за седење, а не за потпирање на нозете.

Често во автобус, мајката му го отстапува местото на детето, а таа стои. Според бон-тон правилата, мајката треба да седи, а детето да стои, или да ѝ седи во скут.

Уште едно важно правило е жената да не ѝ отстапува место на друга жена со која се генерациски блиску. Наместо да упатите добра порака, жената може да се почувствува непријатно. Во таков случај место се отстапува само на видливо повозрасни жени и старици.

Кога се возите во лифт со пријатели, најдобро е да се воздржите од разговори доколку има и други непознати лица внатре. Нема потреба никој да ги слуша вашите приватни разговори.

Дополнително, правењето селфи во лифт, зачувајте го за моментите кога нема непознати луѓе со вас.

Продолжува на следната страница...