Што да однесете како подарок на слава?

Шише вино, нешто слатко или персонализирани уникатни подароци? Во ек се куќните слави – веројатно едни од најубавите поводи за да се видите со блиските во студените денови кои доаѓаат.

Велат дека „На слава не се кани“, туку откако знаете дека некој си има земено „куќна слава“, треба да помните и да го испочитувате со посета. Секако, добро би било претходно да се најавите.

Славата служи за духовно смирување и помирување со блиските.

Облечете се пригодно и кога ќе пристигнете, честитајте им на домаќините. Тие го ценат вашето присуство, и иако подароците во вакви прилики не се важни, убаво би било да не се појавите со празни раце.

Што се носи како подарок на слава? Суштината е во скромноста и не би требало да се изложите на големи трошоци.

Пригодно е да се одлучите за шише вино, нешто слатко за децата и домаќините и букет цвеќе.

Во последно време популарни се и персонализираните креативни подароци со кои можете да ги поддржите малите бизниси во земјава и да подарите нешто уникатно:

1. Вино со светецот кој го слави семејството и чоколатца

2. Шишиња со гравирана икона во кои може да ставите пијалак по желба ( на пример домашна ракија)

3. Свеќник со светец

4. Икона со молитва

5. Кутии со подарок

6. Персонализирани чоколатца

Е. П. | Црнобело