Бизарниот случај на Шери Папини: Лажела дека е киднапирана за да биде со љубовникот, ја барале 3 седмици

Случајот на Шери Папини е можеби најбизарната приказна со киднапирање, и тоа од една причина – Шери го лажирала своето киднапирање за да може да биде со љубовникот. За оваа лага, во 2022-ра добила 18-месечна затворска казна.

Шери Папини од САД, родена во 1982-ра, стапила во брак со Кит Папини во 2009 година. Добиле две деца, а се развеле по „киднапирањето“ на Шери.

На 2-ри ноември 2016-та, тогаш 34-годишната Шери отишла да џогира во близина на нејзиниот дом во Калифорнија.

Шери и сопругот Кит

Кога нејзиниот сопруг се вратил од работа, Шери не била дома, па тој се загрижил. Бидејќи Шери се задржала повеќе од вообичаено, тој ја искористил апликацијата Find My iPhone за да ѝ го лоцира телефонот.

Апликацијата покажала дека се наоѓа на раскрсница, на околу еден и пол километар од нивниот дом.

Шери и Кит со децата

Набрзо потоа почнала обемна потрага по Шери, во која учествувале полицијата, соседите, семејството, но и сограѓаните на семејството.

„Ужасно е. Не сакам да мислам премногу на ситуацијата бидејќи се тешам дека во секој миг ќе добијам повик или ќе се појави на вратата“, изјавил тогаш нејзиниот сопруг за ABC News.

Кит во интервју за ABC News

Семејството на Шери понудило и награда за какви било информации за неа, а притоа почнале и кампања на Go Fund Me за да ги соберат потребните средства.

Луѓето донирале скоро 50.000 долари.

Цели три седмици од Шери немало ни трага ни глас, сè додека не била забележана на околу 240 километри од местото од коешто исчезнала.

Шери била пронајдена на Денот на благодарноста, рацете ѝ биле врзани и имала повреди на телото. На едното рамо и бил врежан и цитат од Библијата.

Кратко по пронаоѓањето на Шери, нејзиниот сопруг повторно се огласил за ABC News:

„Имаше страшни модринки. Отсекогаш имала долга, руса коса и ѝ ја исекле“.

Исто така, на Шери ѝ бил скршен носот и тежела едвај 40 килограми кога ја нашле.

Шери за време на средба со детективите по киднапирањето

Продолжува на следната страница...