Развратниот живот на креаторот на Барби - сакал неговите девојки да личат на куклата, организирал оргии во неговиот замок

Џек Рајан, едниот од дизајнерите на Барби, бил толку опседнат со својата креација што ги терал неговите сопруги и девојки да вежбаат, да се изгладнуваат и да прават пластични операции само за да личат на познатата кукла. Живеел во замок каде што редовно одржувал забави со оргии, а се самоубил на 65-годишна возраст, откако изгубил сè поради начинот на живот.

Сите ја знаеме Барби куклата, но колку знаете за нејзиниот креатор – Џек Рајан?

Дизајнерот направи огромно богатство благодарение на познатата кукла, но се чини имал морничава опсесија со жени кои личат на Барби.

Според гласините, Џек спиел со над 100 жени кои личеле на Барби, а некогаш и самиот инсистирал неговите партнерки да си прават пластични операции за да го задоволат неговиот фетиш.

Бил во брак петпати, а долг период живеел во замок каде што редовно организирал забави со многу дрога и оргии.

Рајан пред неговиот замок

Куклата Барби е дело на американската компанија за играчки Mattel. Сопственичката на компанијата, Рут Хандлер, сакала да направи кукла за девојчиња, па со помош на Џек Рајан ја дизајнирала Барби.

Наводно, токму Рајан е одговорен за нереалните пропорции на Барби, како тенката половина и многу долгите нозе.

Според пријател на Рајан – Стивен Гнас – дизајнерот бил опседнат со својата креација, и тоа на вознемирувачки начин.

„Често мислам на изразот на неговото лице кога ги опишуваше пропорциите на Барби. Кога зборуваше за куклата, беше како да слушате како некој зборува за сексуално искуство, како да слушате некоја перверзна личност“.

Благодарение на успехот на куклата и договорот што го направил со компанијата, Рајан брзо се збогатил.

Тој си изградил огромен замок каде што почнал да ги одржува неговите развратни забави.

Според The Sun, на овие забави Рајан канел жени со големи силиконски гради и руса коса со цел да спие со нив. Тој дури и запишувал детали од секое сексуално искуство со жените.

Рајан со втората сопруга

Истовремено, голем дел од жените кои работеле во замокот како хигиеничарки и слично, неретко личеле на Барби и повеќето имале односи со Рајан.

Важно е да се нагласи дека додека се случувало сето ова, Рајан всушност бил во брак со првата сопруга Барбара Харис со која имал и деца.

Во 1971 година, Барбара повеќе не можела да го поднесе понижувањето, па парот се развел по 21 година заедно.

Рајан со првата сопруга и децата

Во 1975 година Рајан стапил во брак со актерката За За Габор, но овој брак траел само една година. Наводно, Рајан постојано ја терал За За да направи промени во изгледот за повеќе да личи на Барби.

Актерката поднела барање за развод кога Рајан му платил на маж да спие со неа.

Според барањето за развод, Рајан фантазирал како За За спиела со други мажи, а и на самиот му било тешко да ѝ остане верен.

Рајан со втората сопруга

Продолжува на следната страница...