„Девојко, имам мерцедес, сакаш да го возиш?“ - Македонците ги открија најлошите фрази со кои им се додворувале

„Пред неколку години додека чекав ред пред тоалет во ноќен клуб еден дечко застана до мене и ми рече: „На скала од 1 до 10 ти си чиста 9-ка. А јас сум оној 1 што ти фали“. И денес ми е срам колку многу му се смеев во фаца“, вели Македонка во нашата анкета на Инстаграм. Сте имале ли вие некое вакво искуство?

devojko-imam-mercedes-sakash-da-go-vozish-makedoncite-gi-otkrija-najloshite-frazi-so-koi-im-se-dodvoruvale-01.jpg

Ви се случило ли некогаш да сакате да се изнасмеете некому в лице поради начинот на кој ви се додворува? Кога ќе ви каже или напише нешто да не знаете дали да плачете, да врескате или само да се обидете да го игнорирате тоа што го слушнавте...?

Момците и девојките некогаш не бираат фрази што мислат дека „ќе пројдат“ кај спротивниот пол, па кажуваат работи од кои потоа и тие се срамат. Ама, што е кажано – кажано е, и нема враќање назад.

Ги прашавме Македонците преку анкета на Инстаграм кои се некои од најлошите, најсмешни и најбанални муабети со кои некој им се додворувал.

Некои од одговорите на Македонците:

Пред многу години кога мажите им приоѓаа на девојките во диско, во иста вечер до мене и другарка ми дојдоа тројца дечки со истиот муабет: Девојки, имате запалка?

Освен што си олку убава, што друго работиш во животот?

Девојко, имам „мерцедес“. Сакаш да го возиш?

Добив порака на Инстаграм од тип со кој се следиме, а кој често оди во зграда кај моите соседи: „Ти ли се возеше пред малку во лифтот? Мислам дека ти го осетив парфемот“.

Една девојка ми пиша: „Ти си симпатичен, јас сум убава, па мислам дека треба да престанеш да ме игнорираш и да излеземе“’

Пред неколку години додека чекав ред пред тоалет во ноќен клуб еден дечко застана до мене и ми рече: „На скала од 1 до 10 ти си чиста 9-ка. А јас сум оној 1 што ти фали“. И денес ми е срам колку многу му се смеев во фаца.

Никој не ми се пуштал со некоја глупава фраза, ама се сеќавам на муабет меѓу сестра ми и нејзините другарки, кога некој ѝ рекол на едната од нив: „Чувствувам дека ќе се заљубиш во мене и ќе ми родиш деца, дај ми број да ти се јавам“. Делува како приказна, ама пред една година добија дете и уште се заедно.

Не знаев колку може да биде смешно флертувањето додека пред неколку години еден дечко не ми рече: „Дали е татко ти крадец? Ја украл убавината од ѕвездите и ти ја ставил во очите“.

Бонус одговор:

Не се сеќавам со какви сè глупави муабети сум се пуштал на девојки. Ама се сеќавам кога една вечер пијан ѝ се „закачив“ на една девојка.

Не знам што сум и зборувал, ама таа ме погледна и ме праша: „Братучед, добар ли си? Не ме позна?“. Кога се отрезнив сфатив дека ми е втора братучетка. И денес бегам од неа.

А. Ј. | Црнобело

Би можело да ве интересира:

Најлошите работи околу стареењето (кои најверојатно никој не ви ги кажува) „Чувството како времето минува и има шанси да не успеете да отпатувате на местат...
9 мажи кои може да ја добијат наградата „татко на годината“ „Татко ми помина околу еден час во кујната за да ме изненади со ‘специјално зајч...
Луѓе кои преживеале фатални авионски несреќи – Американец двапати ѝ „избегал“ на смртта Кога авионот почнал да паѓа, Анет изгубила свест. Следното нешто на коешто се се...
Доби милиони од пејачот, па исчезна: Што се случи со детето кое прво го обвини Мајкл Џексон за силув... Додека беше тинејџер, Џордан Чендлер доби 23 милиони долари од Мајкл Џексон, как...
Фрази кои ги користат мажите кога не сакаат да признаат дека грешат Мажите кои не признаваат дека не се во право, многу често ќе правдаат ...
9 туристи кои открија изненадувачки работи при своите патувања во странски земји „Кога бев во Турција, поминав време со неколку различни семејства. Кога ќе ја ст...

Најчитани неделава

sonovnik-sidebar.jpg