Најлошите работи околу стареењето (кои најверојатно никој не ви ги кажува)

„Чувството како времето минува и има шанси да не успеете да отпатувате на местата кои посакувавте да ги видите“.

Да се живее долг живот и да се остари е привилегија, но сепак тоа не значи дека стареењето е лесна работа.

Луѓе на Reddit искрено зборуваат за најтешките аспекти на стареењето.

Дел од нивните исповеди:

„Ми недостигаат родителите, животот без нив е сосема поинаков отколку животот со нив. Колку и да бев возрасна, додека беа живи секогаш бев нивното дете кое сакаа да го заштитат“.

„Мене ми недостига невиноста и возбудата. Кога сте млади чувствувате возбуда за толку многу работи, за првиот бакнеж, за првото одење во дискотека и за низа други работи кои ги правите за првпат. Тоа ми недостига навистина“.

„Боли кога гледате како вашите родители стануваат изнемоштени или страдаат од болести“.

„Најтешко ми е што процесот на закрепнување од каква било повреда или болест трае многу подолго и потешко е да се ослободите од болката“.

„Чувството на тага што не сте уживале повеќе во младоста“.

„Потешко оди стекнувањето на нови пријатели, а пак старите пријатели веќе се отселени, починале или едноставно животот ве разделил“.

„Преиспитување на минатото со мисли од типот: ‘Што ако ја направев таа една работа поинаку?’

Но, потоа се штипнувате себеси и се потсетувате дека животот е тоа што ви се случува сега и дека мора да прифатите дека е во ред што некои животни цели и надежи ќе ви останат неисполнети“.

„Чувството како времето минува и има шанси да не успеете да отпатувате на местата кои посакувавте да ги видите“.

С. С. | Црнобело / фото: depositphotos.com