Сите се згрозени од тоа што им го правел на жртвите по убиството – Кој е Џефри Дамер, серискиот убиец од новиот серијал на Netflix?

Своите жртви најчесто ги среќавал во барови, на автобуски постојки, трговски центри и книжарници за возрасни. Неговите жртви најчесто биле хомосексуалци со афро-американско потекло, а ги примамувал со ветувања за пијалак и пари во замена за фотографии.

Неговата најмлада жртва имала 14 години, а најстарата 33.

Неговата сосетка со години го пријавувала сомнителното однесување во полиција, но властите не реагирале сè додека неговата последна жртва Трејси Едвардс не успеал да побегне од станот на Дамер во 1991-ва година.

Полицијата го нашла Трејси како се движи по улицата со лисици на едната рака, по што тој ги однел во станот на напаѓачот, каде полицијата ги видела вознемирувачките фотографии на Џефри, што довело до негово апсење.

При детален претрес, полицијата нашла дека Џефри користел хлороформ за да ги дрогира жртвите, буре со киселина каде ги ставал телата на жртвите (но ги чувал нивните коски), голем број ножеви, делови од тела и вознемирувачки фотографии од телата на жртвите.

Во 1992-ра година Џефри бил осуден за 15 убиства и добил 15 доживотни затворски казни. Се верува дека добро се привикнал на животот во затвор, но во 1994-та година бил убиен од страна на друг затвореник.

Наводно, двајцата затвореници имале претходна расправија, по што Џефри Дамер бил претепан до смрт. Неговите останки биле кремирани и пепелта била предадена на неговите родители.

Џефри Дамер и затвореникот што го убил во затвор

Б. С. Б. | Црнобело