Биле популарни како филмски ѕвезди, имале многу девојки: Како навистина изгледал животот на гладијаторите?

Нивниот животен век бил многу краток

И покрај тоа што не се убивале во арената, гладијаторите сепак немале многу долг живот.

Повредите сепак не биле секогаш неизбежни, па во просек, гладијаторите живееле околу 25 години.

Скоро никогаш не се бореле против животни

Во многу филмови има сцена каде што гладијатор се бори со животно, неретко лав. Во реалноста, ова не било така честа појава.

Всушност, во древен Рим постоеле друг вид воини, познати како bestiarius кои се бореле исклучиво со животни.

Додека малкумина своеволно влегувале во арена против животно, како лав, повеќето биле присилени да се соочат со животно, како смртна казна.

Имало и жени гладијатори

Постојат малку наоди за жените кои биле гладијатори и веројатно ги имало во многу мал број.

Но, сепак, постојат некои записи за жени кои се бореле како гладијатори, веројатно користејќи исти оружја како и мажите.

Неретко гладијаторите стекнувале статус како на филмска ѕвезда

Како што веќе спомнавме, некои мажи се бореле во арените за пари и слава.

А, оние најдобрите биле третирани како филмски ѕвезди, па и секс симболи, и имале бројни обожавателки.

Во Помпеја се најдени графити посветени на гладијатори на кои вели дека еден воин „секоја вечер фаќал девојки во својата мрежа“, а за друг стои натписот дека бил „уживање за сите девојки“.

Младите жени биле опседнати со гладијаторите и многу често носеле и накит извалкан со нивната крв.

Доста популарна била и потта на гладијаторите која ја сметале за афродизијак.

Спирова С. | Црнобело