Детали од животот на Европјаните во минатото заради кои ќе бидете благодарни што сте родени во модерно време

Се бањале многу ретко, а освен богатите, останатите обично имале само едно парче облека кое го носеле секој ден и го переле многу ретко.

Средниот век во Европа почнува од 5-тиот и трае до 15-тиот век и дефинитивно е еден од побруталните периоди во европската историја.

Речиси и да немало напредок – ни научен, ни културолошки – повеќето луѓе биле сиромашни, без можност за образование и каков било напредок, а и болести имало насекаде.

Хигиената воопшто не била на завидно ниво и ретки биле оние кои не страдале.

Неколку факти за животот на Европјаните од овој период од кои сигурно ќе ви се згади:

Се бањале многу, многу ретко

Богатите луѓе можеле да си дозволат када за бањање, но сепак преферирале да не се бањаат многу често.

Сиромашните, пак, речиси и да немале можност да се избањаат бидејќи трошењето вода за бањање наместо за пиење било луксуз.

Притоа, освен богатите, никој не можел да си дозволи сапун или нешто слично.

Единствено можеби оние кои живееле покрај езеро, река и слично имале повеќе можности да се бањаат, но, секако, без сапун.

Немале канализација, ниту какви било тоалети

Во Средниот век, дури ни богатите немале уреден и чист тоалет бидејќи уште не постоела канализацијата. Но, барем имале одвоена просторија за оваа намена.

Сиромашните, пак, морале да се снаоѓаат како знаат.

Притоа, морале да најдат начин и да се ослободат од изметот, а поради немањето канализација, неретко првиот избор бил најблиската река. Истата река во која некогаш и се бањале.

Некогаш, пак, го фрлале отпадот на улица.

И, сето ова многу придонесувало во ширењето болести.

Не ја переле облеката

Побогатите носеле неколку слоеви облека. Обично ги переле подолните слоеви, додека облеката што ја носеле најгоре и ја гледале сите, ја переле многу поретко.

Но, повеќето луѓе не можеле да си дозволат неколку слоеви облека.

Всушност, тие имале само едно парче облека кое го носеле секој ден.

Оваа облека ја переле во реки еднаш неделно (а може и поретко), без детергенти.

А, веќе спомнавме дека во реките фрлале сè и сешто, вклучително и измет, па ни ова перење на облеката не било којзнае колку корисно.

Продолжува на следната страница...