Да беснееш во сон значи залудна борба против судбината.

Што значи да сонувате бес, врева или викање?

Кога зборуваме за бес и врева на јаве, главно станува збор за стресни ситуации во кои не се чувствувате пријатно, без оглед дали сте вие бесни, или некој е бесен на вас, како и дали вие викате или викаат на вас. Но, како што често се случува во толкувањето сонови, сонувањето вакви стресни ситуации не мора нужно да претскажува нешто лошо што е пред вас.

Ако сонувате дека некој вреви на вас

Кога сонувате дека некој ви вреви, тоа многу често значи дека некој е љубоморен на вашиот деловен успех. Можно е ваквиот сон да е само „слика“ на вашиот успех во  работата или во некој професионален ангажман, но најчесто станува збор за љубомора и завист, кои се многу чести придружници на нечиј успех.

Ако добро сте забележале кој ви вика во сонот, можеби тоа е одговорот на прашањето ‒ кој е најмногу љубоморен на вашите деловни успеси.

Ако сонувате дека некому вие му викате

Викањето по некого во сон може многу лесно да се протолкува како ситуација која е обратна како што е опишано погоре ‒ кога некој ви вика. Ова ќе ви биде уште полесно да го објасните, се разбира, ако сте подготвени да признаете дека сте љубоморни на нечиј професионален успех.

Ако јасно се сеќавате кому сте му викале, тоа може да ви потврди на кого и на чиј успех сте љубоморни, но тоа не мора да биде правило.

Ако сонувате дека некој ви е бесен, но без врева

Ако сонувате некој кој во тој сон е бесен на вас, но не користи врева и тешки зборови, овој пат тоа нема никаква врска со љубомора или деловни успеси. Ваквите соништа неретко претставуваат добар знак за вашето општо здравје, односно ви кажуваат дека веројатно сте поздрави отколку што мислевте во тој момент.

Исто така, можат да значат навестувања за иден, безгрижен период за вас.

Ако сонувате дека вие сте бесни на некого, исто така тивко

Повторно се враќаме на опозиција на толкувањето на минатата верзија на ваквите соништа, односно на односот помеѓу ваков сон и евентуалното здравје на оној што го сонува.

Сонувањето дека сте бесни на некого, но тоа не го изразувате со врева, или со каква било друга форма на агресија, може да биде показател за болест што исто така тивко се појавува во вашиот организам, па затоа не би било лошо да се погрижите малку за вашиот начин на живот.

Ако лекарите не сте ги гледале долго време, веројатно би можеле да ги посетите и сами да се уверите во здравјето на вашиот организам од прва рака.

Ако сонувате дека слушате врева што не се однесува на вас

Ако во сон сте сведок на некоја гласна расправија, што не ве вклучува лично, можете да ги протолкувате ваквите соништа како поволен момент за започнување  нова работа, особено нешто од областа на трговијата, и можете да очекувате дека, со малку труд, се разбира, таквиот потег наскоро ќе се исплати.

Ова се однесува на оние кои моментално се без работа, како и на оние кои работат работа од која во никој случај не се задоволни и знаат дека можат и заслужуваат подобро.

Ако сонувате општа врева во која и вие самите сте учесник

Општа врева може да се појави во соништата во форма на масовни караници и тепачки, но исто така и во форма на врева со помирна конотација, како што на некој натпревар, или протест, митинг. Во случај на масовна тепачка и кавга во која вие и самите учествувате, таквите соништа можат да бидат предвесник за перспективно и безгрижно време кое е пред вас.

Во суштина, стресниот настан кој го сонувате во оваа форма најчесто е показател за тивок период на јаве. Ако, пак, сонувате голема врева на натпревар, или сличен настан, не е исклучено да ви се прикриваат бројни непријатели зад грб, кои едвај чекаат некоја ваша грешка и лизнување, за да уживаат во вашите маки.

Ако сонувате дека не можете да викате

Ако во сон се обидувате да викнете, но не успеете, тоа симболизира беспомошност. Веројатно ќе се обидете да се изборите за своите ставови, но нема да успеете. Луѓето околу вас ќе сметаат дека сте направиле лоши одлуки и ќе се обидат да ве убедат да го промените своето однесување.

Бидејќи тоа се луѓе кои ви се драги и кои многу ги почитувате, нема да се спротивставувате многу за да не влезете во непотребни дискусии. Нивните зборови ќе ве налутат многу.

Ако сонувате дека некој ви вика на уво

Доколку сонувате дека некој ви вреви на уво, потсвеста ви кажува да се грижите за вашите животни навики. Јадете нездраво и скоро воопшто не се движите. Ова може да има негативно влијание врз вашето здравје во иднина. Колку и да сте свесни за овие факти, вие не успевате да се придвижите.

Прво треба да го смените начинот на размислување за да промените сè останато.

Ако сонувате дека вие некому му вревите на уво

Кога сонувате дека вие некому му вревите на уво, тоа значи дека имате проблем со контролирање и канализирање на вашиот бес. Вие сте многу темпераментна личност која не се двоуми да реагира на сè што ѝ пречи во моментот.

Сепак, со своето однесување често ги плашите луѓето кои не ве познаваат и ги навредувате најблиските. Тие ве толерираат затоа што не сакаат да ви се спротивстават, но мора да бидете свесни дека ваквото однесување е многу лошо и дека би можеле поради вашиот карактер да ги изгубите оние што ги сакате.

Ако сонувате дека слушате врева во далечина

Ако сонувате дека врева од далечина допира до вас, тоа значи дека некој ќе ве наклевети. Веројатно станува збор за личност која има потреба да знае сè за секого и со задоволство ги пренесува тие информации на други. Нема да можете да се одбраните од тоа, бидејќи секој обид да ги демантирате тие приказни би бил губење време. Најдобро е да се дистанцирате од таквите луѓе и да не обрнувате внимание на околината.

Ако сонувате дека некој ве повикува на помош

Ваквите соништа обично значат дека некој пријател ќе ве праша за совет. Со задоволство ќе му/ѝ помогнете, но ќе се плашите да не ве сфати погрешно и по вашиот разговор да не направи некоја глупост.

Ако сонувате дека некого повикувате на помош

Кога сонувате дека викате некој да ви помогне, тоа значи дека сте под стрес. Потсвеста ви кажува дека е време да се одморите.

Дефиниција за врева

Врева е вид на вербална комуникација со изразито висок тон, а целта е да се заплаши, да се прекори или да се посрамоти соговорникот.

Исто така, гласното вербално изразување не мора да има негативна конотација и може да се сретне на разни митинзи или натпревари со цел да се поддржи некого на чија страна сте.