Ако го сонувате брачниот другар: добивка, деловни успеси; да се галите или да се бакнувате со него: наскоро кавга.

Што значи да го сонувате сопругот или сопругата?

Ако го сонувате сопругот/ сопругата

Ако го сонувате сопругот/сопругата, тоа означува деловни успеси. Можно е заедно со сопругот да започнете бизнис кој ќе има голем успех. Ќе функционирате како вистински тим и сè што правите ќе биде од корист за вашата фирма и семејство. За разлика од многу парови кои избегнуваат да работат заедно, вие ќе уживате во тоа и ќе бидете поддршка еден на друг.

Ако се милувате или се бакнувате со сопругот/ сопругата?

Кога во сон го милувате или го бакнувате сопругот/сопругата, тоа предупредува на расправија. Веројатно ќе имате судир затоа што сметате дека семејството и пријателите лошо ќе влијаат на вашата партнерка. Ќе ѝ кажуваат негативни работи за вас и по секоја нивна средба ќе увидите дека партнерката не е како порано.

Ќе ве нервира што верува во сè што слуша и што не ги препознава завидливите  коментари. Тоа ќе биде причина за многу расправии меѓу вас кои, доколку не се решат, можат да имаат големи последици.

Ако се карате со сопругот/ сопругата?

Сонувањето дека се карате со сопругот/сопругата симболизира страст во бракот или во врската. И покрај тоа што сте заедно долго време, ќе се однесувате како заљубени тинејџери. Ќе подготвувате изненадувања за партнерот и ќе уживате во романтичен секс. После секоја кавга ќе имате уште побурно смирување што ќе ве направи поблиски од порано.

Ако сонувате дека се тепате со сопругот/ сопругата

Доколку сонувате дека се тепате со сопругот/сопругата, тоа укажува на фактот дека многу му/ѝ замерувате, но не сакате да си го признаете тоа ни себе ниту на него/неа. Ја поставивте скалата на очекувања доста високо, па малкумина би можеле да ја „прескокнат“.

Размислете дали сте навистина незадоволни од својот живот или тоа е само една од фазите низ кои минувате во моментов. Она што е клучно е да бидете целосно искрени со него/неа доколку сакате вашиот брак да опстане.

Ако сонувате дека сопругот/ сопругата починал/ а

Кога сонувате дека сте го убиле сопругот/сопругата или во сон гледате дека е мртов или мртва, тоа го симболизира стравот од загуба од кој било вид. Веројатно на јаве нешто толку ве оптоварило што сте го пренеле тоа чувство и на сон. Можеби се плашите да не ја изгубите работата или парите, па тоа се проектирало како загуба на оној за кој многу се грижите.

Ако сонувате дека сопругот/ сопругата ве убил

Ако сонувате дека сопругот/ сопругата ве убил, тоа може да има многу различни значења, па затоа мора да се потпрете на сопствената потсвест и сами да протолкувате зошто сте го сонувале токму тоа. Кога сонувате дека сопругот/сопругата  ве убил, можно е да се плашите од него. Можеби тој/таа ви се заканува на јаве и вие потсвесно знаете дека сте во опасност, но не сакате да се соочите со тој страшен факт.

Од друга страна, ако сопругот или сопругата не ве загрозува на кој било начин, овој сон симболизира загриженост за неговите/нејзините чувства. Веројатно се прашувате дали тој/таа ве сака или не.

Третото толкување, всушност, нема никаква врска со вашиот партнер, туку вие се плашите од нешто друго. Со оглед на тоа дека само вие знаете во каква ситуација се наоѓате, вистинскиот одговор на прашањето зошто сонувавте дека мажот/жената  ве убил/а побарајте го во себе. Доколку ваквите соништа се чести, а не можете да откриете зошто се повторуваат, можеби треба да побарате стручна помош.

Ако сонувате дека сопругот/сопругата ве изневерил/а

Доколку сонувате дека партнерот/ката ви е неверен/а, или дека сте го/ја затекнале во кревет со друга личност, ова директно го рефлектира стравот дека не сте доволно добри за него/неа. Можно е да сте го идеализирале премногу и да не гледате дека и тој/таа има некои мани.

Би требало почесто да размислувате за сопствените квалитети и, во крајна линија, да се цените и себеси. Убаво е кога некој мисли најдобро за својот партнер, но, пред сè, треба да се сакате себеси, бидејќи комплексите би можеле да ја уништат таа врска.

Ако сонувате дека сте го изневериле сопругот/ сопругата

Соништата во кои партнерот ве изневерува се директна последица од оддалечувањето меѓу вас. Доколку поради работа, обврски и деца немате многу време да се посветите на својот сопругот или сопругата, сонот ве предупредува дека би требало подобро да се организирате за да ја вратите блискоста која неодамна  исчезнала. Со овој проблем се соочуваат повеќето партнери, но ако и двајцата работат на тоа, може да се реши многу лесно.

Ако сонувате дека сопругот/сопругата ве оставил/а

Ваквите соништа се честа појава кај двата пола и можат да имаат неколку значења. Ако жената сонува дека нејзиниот партнер ја оставил, тоа може да биде поврзано со состојбата во која нејзиниот брак се наоѓа на јаве. Можеби не е задоволна со партнерот или тој не ги исполнува нејзините критериуми.

Од друга страна, ваквиот сон може да укаже на страв дека партнерот ќе ве остави во вистинскиот живот. Работете на својата самодоверба, обидете се да се ослободите од „црните мисли“ и да уживате во она што го имате.

Кога маж сонува дека сопругата го оставила, тоа значи дека постои можност во вашиот брак да се „вплете“ и трета личност - жена која ќе се обиде да внесе немир во вашите животи. И во овој случај, можно е сонот да е последица на несигурност во постојниот брак, на кој мора да се работи многу.

Ако сонувате дека вие сте го/ја оставиле сопругот/ сопругата

Ако сонувате дека сте го/ја оставиле сопругот или сопругата, тоа, исто така, може да има повеќе значења. Можеби сте сфатиле дека разликите меѓу вас се преголеми и дека сакате да се разделите. Од друга страна, можно е да размислувате за тоа затоа што ви се допаднала друга личност.

Меѓутоа, ваквите соништа понекогаш не мора да бидат втемелени на однос со партнерот, туку се последица на проблеми со членовите на семејството или колегите на работа. Вие најдобро знаете што од ова е вистина.

Ако сонувате дека сте во брак со поранешна девојка или момче

Доколку сонувате дека сте се венчале со поранешна девојка или момче, тоа значи дека сè уште не можете да ги преболите настаните од минатото. Некоја траума ви оставила силен впечаток и не постои начин да се ослободите од тоа. Затоа, во сон започнавте да проектирате нешто за кое не размислувате воопшто на јаве. Доколку, пак, сте размислувале за некоја поранешна љубов пред спиење, сонот е директна последица од тоа.

Ваквите соништа се придружени со различни чувства - од љубов, романса, среќа, сигурност до ранливост, љубомора, предавство и бес.

Значењето на сонот може да биде поедноставно. Ако сте се расправале или сте се помириле со партнерот, тоа сигурно ви оставило впечаток.

Дефиниција за брачни другари

Брачните другари се личности кои се во брак.