Сипаниците значат добивка на која не сте се надевале.

Што значи да сонувате сипаници?

Ако имате сипаници во сон

Кога во сон имате сипаници, тоа означува неочекувана добивка. На сите полиња ќе  имате многу успех и може да се каже дека ви претстои период во кој ќе се остварат сите ваши желби. Доколку некој ви должи пари, наскоро ќе ви ја исплати сумата што е поголема од онаа која ја очекувавте.

Партнерот ќе биде многу внимателен кон вас и постојано ќе ви подарува ситници што ќе ви го разубават денот. Ако студирате, можно е да го положите испитот околу кој долго се мачевте и ќе добиете понуда за работа на универзитет или стипендија во странство.

Ако сонувате рани од сипаници

Ако сонувате дека ви се создаваат рани поради сипаници, тоа подразбира дека не сте задоволни од развојот на настаните во вашиот живот. Имавте многу поголеми очекувања кои, поради некоја причина, не успеавте да ги остварите. Ќе имате чувство дека сте го промашиле факултетот, сте направиле грешка во изборот на партнер или во некоја друга одлука која ви е битна. Стравот од неуспех и разочарување ќе ве спречува да го поправите она што не ви се допаѓа. Доколку ништо не промените, вашето незадоволство ќе се таложи и ќе ве направи фрустрирани и несреќни.

Кога сонувате дека на други им се создаваат рани поради таа болест, тоа укажува на чувствата што се обидувате да ги скриете. Со оглед на тоа дека не сте конфликтна личност, често се повлекувате од дискусиите кои, според ваше мислење, не водат никаде. Оваа особина е многу корисна и пожелна, но луѓето околу вас почнаа да ја злоупотребуваат.

Колку некогаш да имате потреба да се спротивставите, обидете се правилно да го изберете времето, местото и причината за тоа. Инаку, би можеле да паднете во замката на туѓите манипулации и да создадете сосема погрешна слика за себе.

Ако лекувате сипаници

Доколку сонувате дека лекувате сипаници, тоа значи дека ќе добиете неочекувана, симболична, но и многу потребна финансиска добивка. Веќе некое време  вистинскиот предизвик е да ги усогласите парите со кои располагате со трошоците кои се сè поголеми. Сепак, ќе мора да разделите што навистина ви е потребно во животот од она што не е. Со тоа дополнително ќе се подобри вашата „финансиска слика“.

Кога сонувате дека други лекуваат сипаници, тоа подразбира некаква траума од минатото што не ви дозволува да живеете поопуштено. Можно е да сте преживеале многу стресни ситуации и наместо зајакнати со тоа искуство да продолжите  понатаму, вие секој пат се враќате на тоа.

Разговорот со блиска личност може многу да ви помогне да излезете од тој маѓепсан круг. Пронајдете нешто во што уживате и посветете го целото свое слободно време на тоа.

Ако, пак, сонувате болнички карантин полн со пациенти заболени од сипаници, тоа укажува дека се наоѓате во токсична врска која, долгорочно гледано, не може да има среќен крај. И покрај тоа што пријателите ве советуваат да раскинете и да пронајдете некој што ќе може да ве цени и сака, вие ја негирате лошата врска во која се наоѓате.

Често пронаоѓате изговори за лошото однесување на партнерот/ката и ги идеализирате особините што ви се допаѓаат. Размислете каква иднина сакате и донесете правилна одлука.

Ако умрете од сипаници

Сонувањето дека сте умреле како последица на оваа заразна болест укажува на тоа дека проблемот што го имате во моментов ќе го решите само со трпеливост. Можеби ќе се најдете во ситуација кога ќе мора да се „гризнете за јазикот“ за да не ја влошите дополнително положбата во која се наоѓате. Време е да ја „спуштите топката“ и тоа што не реагирате на секоја провокација да не го доживувате како слабост, туку како мудрост.

Ако сонувате дека некој друг умрел поради сипаници, тоа значи дека мора да поставите приоритети. Веќе некое време сте истоштени и потребен ви е одмор. Свесни сте дека не можете да си го дозволите тоа, но доколку се организирате подобро и ги подредите обврските според нивното значење, ситуацијата може многу да се подобри.

Престанете да ги исполнувате туѓите желби по секоја цена и посветете повеќе време на себе и на своите потреби.

Кога сонувате дека вашето дете умрело од сипаници, тоа го симболизира стравот дека нема да му/ѝ пружате сè она што би сакале. Во овој случај, тоа се однесува на материјални работи, но не би требало да го занемарите сето она што ќе му/ѝ го дадете, а нема финансиска, туку емоционална вредност. Љубовта, вниманието и поддршката се поважни од нивните каприци, мора да го имате тоа предвид цело време.

Ако сонувате деца со сипаници

Ако сонувате дека вашите деца имаат сипаници, тоа значи дека нема причина за загриженост. Иднината ќе покаже дека тие направиле вистински избори кога станува збор за нивниот приватен и деловен живот. Од друга страна, вас ќе ве направат горд поради успехот на училиште и на разни натпревари.

Доколку во вашиот сон туѓи деца имаат сипаници, тоа значи дека сте премногу заштитнички настроени кон оние што ги сакате. Вашата загриженост е сосема разумна, но мора да сфатите дека вашето однесување може да ги задуши луѓето околу вас. Премногу сте чувствителни и никој не смее да ви укажува на грешки за да не се налутите.

Ќе мора да ја промените таа грда навика и ако не сте вклучени во секој сегмент од животот на вашите најблиски, тоа не значи дека не се сакате.

Ако сонувате вакцина против сипаници

Кога сонувате дека примате вакцина против сипаници, тоа значи дека сте им дозволиле на погрешни луѓе да ви се приближат. Опкружени сте со неискрени пријатели кои во вас гледаат само средство за остварување на сопствените цели. Упорно ги игнориравте советите на членовите на семејството и се доведовте до тоа покрај себе да немате никој кому можете да му верувате.

Чувствата што ги придружуваат ваквите соништа се страв, непријатност и вознемиреност.

Значењето на сонот може да биде поедноставно. Ако неодамна вие или некој вам близок имал сипаници, тоа сигурно ви оставило впечаток.

Дефиниција за сипаници

Сипаниците се заразна болест од која заболува човекот и ја предизвикуваат два вида вируси на вариола.