Ако чуете дека некој пцуе: ќе ве снајдат неприлики, ќе доживете срам;, ако пцуете некого: ќе се налутите на жена или љубовница односно маж или љубовник.

Пцуење – што значи да сонувате пцости?

Ако сонувате дека пцуете некого

Ако во вашиот сон вие пцуете некоја личност, тоа имплицира дека немате разбирање за другите. Можеби се сметате за строга и реална личност која со двете нозе цврсто стои на земјата. Никогаш не се впуштате во неизвесни работи или емотивни врски туку секогаш играте на сигурно.

Таквиот став може да биде последица на силниот карактер или лошото искуство после кое сте ветиле дека никогаш повторно нема да направите таква грешка. Многумина ве сметаат за ледена кралица која е на страната на човечките проблеми и која секогаш сака да остави беспрекорен впечаток.

Ако сонувате дека некој ве пцуе

Ако сонувате дека некој ве пцуе тоа укажува дека имате проблеми со авторитетите. Вие сте личност која ужива да им контрира на другите и која работи нешта кои не се очекуваат од неа. И самите сте свесни дека таквото однесување може да ви донесе повеќе штета отколку корист, но во многу ситуации не успевате да се исконтролирате и да го задржите мислењето само за себе.

Ви се случува да создавате одбојност кон советите и сугестиите на луѓето од кои зависите и пред да ги сослушате не размислувате за тоа дека би можеле да ви бидат корисни.

Ако сонувате дека ве пцуе мајка ви

Доколку сонувате дека ве пцуе мајка тоа значи дека ќе направите голема грешка поради која ќе си ја загрозите сопствената егзистенција, но и луѓето кои зависат од вас. Доколку неодамна сте тргнале на факултет или промениле работно место немојте да мислите дека сте најпаметни.

Слушајте постари колеги и нивни совети и потрудете се да се докажете како вреден студент/работник.

Ако сонувате дека ве пцуе татко ви

Сонот во којшто ве пцуе татко ви го симболизира вашиот однос кон авторитетите. Вие сте личност која почитува труд и работа и многу ви пречи кога високи државни положби заземаат луѓе кои дотаму стигнале по некој друг сомнителен пат.

Не можете да се натерате да ги почитувате и поради тоа ќе се најдете во неприлики. Некому ќе му пречите бидејќи не се однесувате кон него/нејзе како што му налага неговиот/нејзиниот статус. Чувајте се од одмазда!

Ако сонувате дека ве пцуе баба ви или дедо ви

Ваквиот сон укажува на тоа дека сте премногу детинести и често не се однесувате во склад на своите години што ги имате. Убаво е да се задржи детскиот дух, но не можете животот, обврските и проблемите да ги сметате за детска игра. Почнете да се интересирате за нешта кои ви се важни за вашата иднина пред да стане премногу доцна за сè.

Ако сонувате дека ве пцуе партнерот

Ако сонувате дека ве пцуе партнерот или партнерката поради нешто тоа значи дека имате потреба вие да го навредите него/нејзе. Веројатно направил нешто што се коси со вашиот договор.

Сметате дека на тој начин ја издал/издала вашата доверба, но не сте го прашале кои се причините за таквите постапки. Пред да тргнете да критикувате некого, потрудете се да послушате што има да ви каже. Дури тогаш можете да донесете пресуда.

Ако сонувате дека свекорот или свекрвата ве навредува

Кога сонувате дека во вашиот сон ве пцуе свекорот или свекрвата тоа симболизира мир во семејството. Вие сте една од ретките личности која добро се сложува со сите луѓе. Не влегувате во расправии, а немате ниту многу барања. Затоа секогаш се трудите да се однесувате кон другите луѓе онака како што вие би сакале тие да се однесуваат кон вас.

Ако сонувате дека ве навредува баба/дедо (тест/тешта)

Доколку во сонот ве пцуе тестот или тештата тоа значи дека добро ќе се согласувате со семејството на личноста којашто ја сакате, па ќе го доживувате како свое. Од друга страна, тие радо ќе ве прифатат, па нема да имате проблеми со кои се соочуваат многу други парови.

Многумина ќе ви завидуваат на односот кој го имате со семејството на својата партнерка, а вие со текот на времето ќе станете омилената личност во нивното семејство.

Ако сонувате дека ги пцуете своите деца

Сонот во којшто ги пцуете своите деца укажува на тоа дека ќе бидете многу горди на нив. Сите ваши стравови, треперења и грижи ќе се покажат неосновани кога ќе го постигнат во животот она што го сакаат. Дури и ако не заработуваат многу пари, ќе ја работат работата којашто ја сакаат, што ќе ве прави среќни.

Ќе знаете дека не сте погрешиле во воспитувањето и дека сте ги извеле на прав пат.

Ако сонувате дека пцуете туѓи деца

Ваквиот сон е последица на нервоза во стварниот живот. Веројатно имате некоја грижа поради која многу размислувате. Сте станале претерано чувствителни и многу ретко се смеете. Пријателите и членовите на семејството забележале дека нешто не е во ред со вас, но вие никако не им дозволувате да ви помогнат.

Обидете се самите со себе да расчистите или обратите се некому кому му верувате. Ќе ви биде многу полесно кога маката ќе ја споделите со некого.

Ако сонувате дека ве навредува шефот

Ако во вашиот сон шефот или шефицата ве навредува или пцуе, можно е на јаве да добиете покачување на плата или некаква стимулација. Ќе сфати дека сте вреден работник и ќе се потруди што подолго да ве задржи во својот тим. Немојте ниту случајно да помислите да станете лакоми и да почнете да ја злоупотребувате дадената доверба која сте ја добиле.

Продолжете да бидете скромни и одговорно се однесувајте кон работата. Тоа е единствениот начин на кој ќе можете продолжите да напредувате.

Ако сонувате дека ве пцуе учител/учителка (професор/професорка, наставник/наставничка)

Кога сонувате дека ве пцуе вашиот учител или учителка тоа е предупредување да внимавате на своето однесување. Убаво од ваша страна е што си ги браните своите идеи, ставови и интереси, но тоа не значи дека треба да се скарате со секого кој има поинакво мислење од вашето.

Поради ваквото однесување веројатно не можете да си го задржите работното место на подолг временски период. Мечтаете за тоа да бидете сам свој газда, а ниту малиот прст не сте го помрднале да го остварите тоа.

Ако сонувате дека ве пцуе судија

Сонот во кој судијата ве пцуе е знак да престанете да верувате дека сите се здружиле против вас. Сметате дека не можете на ниту еден начин да напредувате бидејќи другите подметнуваат нога. Вистината е сосема поинаква. Понекогаш вие самите сте вас најголем непријател!

Ако сонувате дека ве пцуе полицаец

Доколку сонувате дека ве навредува полицаец тоа значи дека ќе се вплеткате во сопствените лаги. Честопати ви се случило да излажете бидејќи не сакате детално да објаснувате што всушност се случило.

Воглавно не се работи за некои сериозни нешта, но проблемот лежи во тоа што често заборавате како гласи официјалната верзија на вашата приказна, па пред луѓето испаѓате детинести, несериозни и неодговорни. Никој не може да се потпре на вас бидејќи не влевате многу доверба.

Ако пцуете во друштво во сонот

Кога пцуете во друштво во сон, тоа значи дека ќе се опуштите. Најмногу од сè, сакате да бидете меѓу луѓето кои ве познаваат добро затоа што можете да правите што сакате без никој да ве сфати погрешно. Најтешко ви е кога имате гости или одите некаде каде што треба да следите правила што ги мразите.

Значењето на сонот може да биде многу поедноставно. Доколку пред скоро време сте пцуеле некого, тоа сигурно ви оставило силен впечаток врз вашата психа.