Во рака: успех во бизнисот; крвава: внимание и претпазливост.

Што значи да сонувате кама / нож за прободување?

Ако држите кама

Кога сонувате дека држите кама во раката, тоа симболизира успех во бизнисот. Многумина ќе се восхитуваат на вашата одлучност и на сè што сте постигнале во животот. Меѓутоа, само вие ќе ја знаете цената што сте ја платиле и што сè сте морале да направите за да бидете тука каде што сте сега. Кога ќе се свртите зад себе, не би промениле многу.

Токму препреките ве научија најмногу и ве мотивираа да си докажете себеси и на другите дека можете да направите што ќе посакате. Вие не прифаќате изговори и отсекогаш сте биле борец.

Ако сонувате крвава кама

Ако видите крвава кама во сон, тоа вепредупредува да бидете внимателни. Некој од вашата околина ви пречи и прави сè за да ви ги уништи плановите. Често ќе имате горчливи расправии кои ќе завршат со тешки зборови, а понекогаш и со дела.

Ќе посакате да ѝ се одмаздите на таа личност и ќе смислувате начини како да ѝ напакостите. Сепак, ќе сфатите дека тоа ви одзема многу енергија и дека таа не е  вредна поради неа да правите глупости. Ќе се обидете да се контролирате и да не реагирате на провокации.

Ако сонувате дека сте изгубиле кама

Доколку сонувате дека сте изгубиле кама, тоа значи дека ќе влезете неподготвени во некоја дискусија. Ќе се обидете да ги наведете причините за исправноста на  сопствените ставови, но нема да имате доволно аргументи. Соговорникот ќе успее да ве надмудри во секоја смисла на зборот. Ако ништо друго, од ова ќе научите дека демагогијата кај некои луѓе едноставно не поминува.

Ако сонувате дека сте пронашле кама

Ваквиот сон ја симболизира среќата и благосостојбата што ќе ги доживеете во блиска иднина. Можеби нема да ги решите сите грижи што ве мачат, но ќе научите да го цените она што го имате. Посветете се на семејството и пријателите и ќе пронајдете во нив утеха по која копнеете.

Ако сонувате кама забодена во земја

Кама забодена во земја укажува на големи грижи. Ви претстои многу тежок период, полн со предизвици. Ќе ви треба многу сила за да го надминете, а на тој пат би можеле битно да го загрозите своето здравје. За тоа треба најмногу да водите сметка. Сè останато ќе успеете да го совладате, ако сте здрави. Имајте го тоа на ум!

Ако сонувате кама забодена во маса

Ако во сон видите кама забодена во дрвена маса, тоа го симболизира стравот од запознавање нови луѓе. Вие сте затворена личност по природа и повеќе сакате да бидете сами отколку во поголемо друштво. Често одбивате масовни дружења и поради тоа пријателите сè помалку ве покануваат на излегувања и вечери.

Повеќе сакате да прошетате или да пиете кафе со една личност отколку да мора да учествувате во поголем разговор. Сепак, мора да бидете свесни дека е време да се смените, ако не сакате да станете осамени и огорчени.

Ако сонувате дека сте се исекле со кама

Доколку сонувате дека случајно сте се исекле со кама, тоа укажува на парична добивка. Без оглед дали станува збор за поголема или помала сума, тоа ќе ви се најде, бидејќи веќе некое време се борите да ги задоволите сите ваши потреби.

Ако сонувате дека некој ве прободел со кама

Кога сонувате вакви соништа, тоа значи дека сте во опасност. Во непосредната околина имате личност која ќе настојува да го спроведе својот злобен план за да ви ја уништи репутацијата. Внимавајте што и каде зборувате и доверувајте се само на луѓето на кои целосно им верувате. Единствено така ќе се заштитите од „злобните јазици“ кои не избираат средства за да ве повредат.

Ако сонувате дека вие некого сте прободеле со кама

Ваквиот сон симболизира потиснат гнев или омраза кон некого. Веројатно некој многу ве повредил со своето однесување и вие би сакале да се одмаздите, но не наоѓате добар начин за тоа. Сметате дека само одмаздата ќе ви донесе задоволство и често размислувате за тоа. За да ги тргнете мислите, обидете се да ги погледнете работите од друг агол. Тоа лошо искуство сигурно ве научило на нешто.

Ако сонувате дека купувате кама

Доколку во сон купувате кама, тоа значи дека сте доминантна личност која сака да има главен збор во сè, од домашни работи до секс. Меѓутоа, ваквиот сон ве предупредува дека треба да ја зауздате желбата за постојана команда, бидејќи  партнерот би можел да попушти под притисок и да ви се закани со развод.

Оваа особина можете да ја искористите во професионалниот, но во приватниот живот е доста непопуларна. Не секој сака постојано да му се кажува што да прави и како да го направи тоа.

Ако сонувате дека продавате кама

Ако сонувате дека продавате кама, тоа значи дека наскоро би можеле да добиете вреден подарок што нема да биде знак на внимание, туку обид таа личност да се извлече од неволја затоа што ве изневерил/а. Можно е партнерот да ви подари нешто за што сонувавте подолго време. Ако ова се случи, преиспитајте ги неговите/ нејзините вистински намери.

Ако сонувате дека сте добиле кама на подарок

Кога сонувате дека некој ви подарил кама, можно е да страдате за гревовите на вашите предци или претходници. Во секој случај, ќе наследите некој голем проблем и ќе мора да посветите многу време и труд за да го решите. Ќе сфатите дека тоа не е фер кон вас, но едноставно нема да имате избор освен да се изборите за сопствената егзистенција.

Ако сонувате дека подарувате кама

Сонот во кој вие некому подарувате кама укажува на тоа дека мора да ги контролирате своите чувства. Вие сте многу темпераментна личност која не умее да сокрие ни лутина, ниту тага или среќа. Оние кои ве сакаат научиле како да се однесуваат кон вас, но бидете свесни дека со своето однесување им давате широк простор за дејствување на оние кои не ви посакуваат добро.

Не очекувајте да се промените преку ноќ, бидејќи тоа е исто така процес што може да трае со години.

Нова кама

Нова, полирана кама симболизира подготвеност за предизвици. Во моментов имате доволно енергија за да ја надминете секоја препрека. Ќе бидете многу ефикасни на работа, а вашиот шеф би можел да одлучи да ве награди. Тоа ќе ви биде само дополнителен поттик да продолжите по патот по кој сте тргнале.

Стара кама

Стара, 'рѓосана кама укажува на тоа дека е време да посетите лекар. Веројатно веќе долго време не сте биле на детален преглед и чувствувате некои необични симптоми. Често размислувате за тоа, но одложувате да закажете преглед. Иако повеќето луѓе дејствуваат на сличен начин, мора да бидете свесни дека не треба да си играте со здравјето. Немојте да бидете мрзливи, направете го тоа што треба да го направите.

Значењето на сонот може да биде поедноставно. Ако неодамна сте држеле или сте купиле кама, тоа ви оставило впечаток.

Дефиниција за кама

Кама е ладно оружје за борба, нож за прободување.