Сонувањето компас значи да се држите до избраниот пат, не свртувајте.

Што значи да сонувате компас?

Ако гледате компас во сон

Ако во сон гледате компас, тоа укажува дека би требало да се држите до избраниот  пат. Можно е често да се чувствувате изгубено и да се сомневате во исправноста на целите што си ги поставивте. Ве мачи неизвесноста и би сакале да ви се случуваат работи преку ноќ за кои се потребни години голем труд и вложувања.

Веднаш штом ќе ја препознаете состојбата во која се наоѓате, обратете ѝ се на личноста во која имате доверба и расчистете ги сите сомнежи со отворен разговор. Вашето мото е поговорка кон која ретко кој се придржува и гласи: „Најтешката борба е да се бориш против себеси, а најубавата победа е да се победиш себеси“.

Ако нагодувате компас во сон

Сонувањето дека нагодувате компас подразбира дека ќе станете независни. Веројатно сте живееле со вашите родители до неодамна и ги следевте правилата што ви ги наметнуваа. Меѓутоа, во одреден момент ќе сфатите дека тоа не е она што го сакате, па затоа ќе побарате начин да заминете.

Ќе бидете љубопитни да видите како изгледа да се биде слободен/а и какво е чувството кога не мора пред никого да полагате сметки. Тие ќе сторат сè за да ве задржат ветувајќи ви невозможни работи како оние дека ќе се променат и нема да ви се мешаат во вашиот живот.

Ако сонувате дека стрелката на компасот се врти

Кога сонувате дека стрелката на компасот врти неконтролирано, тоа укажува на збунетост. Можеби на јаве се чувствувате изгубено во емотивна смисла. Најчесто  ваквите соништа ги сонуваат оние кои неодамна прекинале долга врска или брак. Тоа е директна последица на чувствата што ги доживувате во реалниот живот.

Ако купувате компас

Во овој контекст компасот може да го симболизира вашето настојување да се промените. Ако ви недостасува самодоверба или храброст, сонот во кој купувате компас е токму порака да поработите на тој проблем. Ставете ги на хартија сите свои позитивни и негативни особини. Започнете да работите на негативните, а негувајте ги позитивните и не кријте ги од другите, туку бидете горди на нив.

Ако продавате компас

Доколку сонувате дека продавате компас, тоа значи дека ќе се откажете од некоја идеја или план. Тоа ќе биде последица на разочарување од околностите и проблемите што ве следеа на тој пат. Без оглед на тоа што вашите најблиски ќе ве наговараат да не се откажувате, вие едноставно ќе заклучите дека немате доволно сила за тоа. Не дозволувајте ова да ве поколеба, туку започнете да размислувате за нешто ново.

Ако подарувате компас

Ако во сон некому подарите компас, тоа подразбира дека ќе заземете многу важна улога во фирмата во која работите или во заедницата во која живеете. Секој ќе ве прашува за совет, па ќе станете еден вид ментор.

Колку и да сте импресионирани што луѓето ви веруваат, вие ќе почувствувате и голем товар што сте добиле толку тешка задача. Доколку сте заинтересирани за политика, сега е вистинско време да се кандидирате за некоја позиција во својата месна заедница или градот во кој живеете.

Ако добиете компас на подарок

Кога во сон некој ќе ви подари компас, потсвеста ве предупредува дека сте згрешиле за некого. Обвинивте блиска личност дека не ви дава доволно поддршка, а  свесни сте дека тоа не е точно. Потрудете се да ја поправите работата и да покажете дека жалите за своите зборови, ако се грижите и понатаму да останете блиски.

Ако изгубите компас

Ваквиот сон укажува на тоа дека ќе мора да донесете многу важни одлуки што ќе го одредат понатамошниот тек на вашиот живот. Веројатно размислувате да ја смените работата или да се преселите во друга земја. Ќе бидете во дилема што да правите и без оглед колку сте тажни што ја напуштите старата работа, колегите, пријателите, семејството и соседството, ќе го изберете патот кон подобра иднина.

Ако пронајдете компас

Ако во сон пронајдете компас, тоа значи дека благодарение на сугестиите и советите на постар колега или член на семејство, ќе го постигнете она за што мечтаевте долго време. Ќе сфатите колку е важно да стекнете искуство во работата што ја работите и ќе бидете благодарни што покрај себе имате добар ментор кој е подготвен да ви помогне.

Ако украдете компас

Доколку сонувате дека сте украле компас, тоа подразбира дека ќе пронајдете наједноставен начин да се извлечете од некоја неволја. И во иднина ќе продолжите да го применувате истиот метод, бидејќи тој е многу ефикасен. Сепак, треба да се запрашате зошто постојано „влегувате“ во неволји од кои мора да се „извлечете“. Дали станува збор за недостиг на возбуда во животот или едноставно не ви е важно какви последици ќе предизвика вашата постапка.

Сон во кој некој ви го украл компасот укажува на тоа дека не правите ништо за да ги промените работите во животот од кои не сте задоволни. Премногу се жалите на сè и плачете за својата судбина, а не сте се ни обиделе да промените нешто. Поради тоа пријателите почнаа да ве избегнуваат, и како и не кога не слушате што ви зборуваат, туку само лелекате.

Ако фрлите компас

Кога сонувате дека фрлате компас или во сон гледате како компас паѓа во вода, тоа претставува опасност од загуба на работата или на довербата која шефот ја има во вас. Веројатно ќе направите некоја поголема грешка што ќе го/ја натера да се запраша дали сте доволно добар работник. Доколку се грижите за таа работа, потрудете се да ги отстраните неговите/нејзините сомнежи.

Сонувањето дека некој друг фрлил компас значи дека ќе бидете разочарани од вашиот партнер. Некои од неговите/нејзините постапки ќе ги сфатите како знак дека повеќе не ве сака, па ќе влезете во сериозна кавга. Водете сметка за тоа што и како зборувате кога ве „притискаат“ емоциите, бидејќи би можеле да се покаете ако кажете нешто што не го мислите.

Ако гледате скршен компас

Ако во сон гледате скршен компас, потсвеста ве предупредува дека е крајно време да ги одредите приоритетите. Одлучете дали ви е поважно да потрошите време правејќи нешто што не ви се допаѓа или да бидете со луѓето што ги сакате. Запрашајте се зошто во овој момент ви е многу тешко да бидете во близина на саканата личност.

Повремено компасот може да укаже на некој детаљ во самиот сон. Тоа може да биде предмет што има подлабоко значење за вас. Обрнете внимание на што ве упатува стрелката и побарајте го значењето на тој предмет во книгата за соништа.

Компасот може да покаже и на одредена личност. Доколку станува збор за некого што го познавате, тоа значи дека имате несогласување со таа личност што треба да го решите. Ако, пак, станува збор за личност што не ја познавате, тоа може да значи дека ќе запознаете некој што ќе ви се допадне или кој ќе може да ви помогне на деловен план.

Значењето на сонот може да биде поедноставно. Доколку неодамна сте виделе или сте нагодиле компас, тоа сигурно ви оставило впечаток.

Дефиниција за компас

Компас е инструмент кој служи за ориентирање и наоѓање на страните на светот.