Ќе дознаеш важни тајни на своите противници, неочекувано задоволство.

Што значи да сонувате дека дупчите нешто?

Ако дупчите нешто во сон

Ако во сон вие дупчите, тоа подразбира дека ќе ги дознаете важните тајни на вашите противници. Во наредниот период ќе се чувствувате беспомошно затоа што нема да ги знаете слабите точки на некој што сериозно ви замерил. Сепак, внимателно ќе почекате да направат грешка што би можеле да ја употребите против нив.

Доколку се работи за конкурентна фирма, постојано ќе водите битки за да стекнете клиенти и да им понудите поквалитетна услуга.

Ако некој друг дупчи нешто

Кога сонувате дека други дупчат нешто, тоа предупредува на кавга со соседите. Можно е да живеете во стан или куќа каде што можете да го слушнете секој чекор што го прават вашите соседи. Ова честопати ќе биде предмет на расправии каде секоја страна ќе тврди дека е во право. Свесни сте дека со таков став нема да постигнете ништо, но нема да сакате да попуштите.

Сон во кој не можете да престанете да дупчите нешто

Сонување дека не можете да престанете со дупчење укажува дека нема да имате контрола над вашите постапки. Ќе имате чувство дека непромислено реагирате, што во многу ситуации ќе ви се удри од глава. Кога ќе го вратите филмот, би сакале да можете да го повлечете вашиот збор или да постапите поинаку, но ќе биде предоцна за каење.

ТОЛКУВАЊЕТО ЗАВИСИ ОД КОНТЕКСТОТ ВО КОЈ СОНОТ СЕ ОДВИВА, И ДЕТАЛИТЕ И ЧУВСТВАТА ШТО ГО СЛЕДАТ.

Ако дупчите ѕид

Доколку во сон дупчите ѕид, тоа подразбира дека сте носталгични за минатото. Веројатно честопати размислувате за некое побезгрижно време, се сеќавате на деновите кога немавте толку многу грижи и проблеми и посакувате да можете да се вратите назад во времето. Бидејќи сè уште никој не измислил машина за патување низ времето, ќе мора да се помирите со она што ви се случува сега и да се обидете да го извлечете максимумот од она што го имате сега.

Кога сонувате дека некој друг дупчи ѕид, можно е да имате проблеми со законот. Можеби несвесно сте направиле сообраќаен прекршок, па казната ќе пристигне по пошта. Ќе бидете изненадени и изнервирани затоа што нема да се сетите кога се случило тој прекршок. Сепак, ќе мора да платите за подоцна да немате уште поголеми проблеми.

Од друга страна, ако чекате на исходот од некое судење или оставинска расправа, можеби нема да ви се допадне конечната пресуда.

Ако дупчите бетон

Ако во сон дупчите бетон, тоа значи дека некој ве искористува. Вие по природа сте вредна и одговорна личност, но ви се чини дека овие особини денес сè помалку се ценат. Се обидувате да ги извршите сите задачи на време и се трудите да направите што е можно помалку грешки, но наградата за вашата работа никако не доаѓа. Поради ова, често сте фрустрирани и сакате да дигнете раце од сè, но брзо се откажувате затоа што ја сакате својата работа и уживате да ја работите.

Сонување дека други дупчат бетон подразбира дека помошта ќе пристигне кога најмалку се надевате. Ќе се најдете во незавидна положба, а во помош ќе ви прискокне личност од која тоа не го очекувавте. Ќе сфатите дека луѓето можат да покажат колку се добри само ако им дадете шанса.

Ако дупчите земја

Доколку сонувате дека дупчите земја, потсвеста ве предупредува да не се откажувате од своите цели. Не смеете да си дозволите „луксуз“ да ве потресат помали неуспеси, бидејќи тоа е сосема нормална појава на патот по кој сте тргнале. Бевте свесни во што се впуштате и нема да биде одлично секој ден, но тоа не значи дека треба да се откажете. Запомнете дека упорноста се исплати.

Ако во вашиот сон некој друг дупчи земја, тоа значи дека некој се обидува да ги попречи вашите планови и замисли. Поведете сметка за тоа како се однесуваат колегите на работното место, бидејќи некој од нив би можел да се обиде да ви напакости за да му се додвори на работодавецот.

Ако дупчите лим

Кога сонувате дека дупчите лим тоа значи дека нема да ви треба многу труд за да го постигнете она што го сакате. Ќе ве изненади и израдува фактот дека сте постигнале толкав успех за кратко време. Ќе продолжите да работите на себе за да ги остварите своите соништа.

Сепак, не очекувајте дека секој нареден пат ќе поминете така лесно. На тоа едноставно не можете да се потпрете, затоа што ќе има многу попредизвикувачки и потешки ситуации.

Ако дупчите стакло

Сонувањето дека дупчите стакло укажува на тоа дека некој пријател ќе ве праша за совет. Бидејќи станува збор за многу деликатно прашање, ќе мора да размислите што да му/ѝ кажете. Ова веројатно е проблем со кој досега не сте се соочиле, па затоа ќе биде тешко да кажете нешто паметно и корисно.

Сепак, покажете разбирање за неговиот/нејзиниот проблем и понудете се да учествувате во неговото решавање. Со тоа ќе докажете дека сте искрен пријател.

Доколку сонувате дека други дупчат стакло, обрнете внимание на тоа како се однесувате кон вашиот партнер. Почнавте да го/ја земате „здраво за готово“. Сè ви е поважно е од тоа да поминете време заедно и му/ѝ препуштате да прави планови за вашата врска или брак, со што добива впечаток дека не ви е грижа за вашата заедничка иднина. На долг рок, ова може да се претвори во сериозен проблем ако не промените нешто.

Ако дупчите дрво

Ако во сон дупчите дрво, тоа значи дека некој ќе се обиде „преку вашиот грб“ да ги оствари своите планови. Ќе настојува да ве наговори да направите некои работи што нема да ви се допаднат. Затоа, не прифаќајте лесно сè што ќе ви биде кажано. Обрнете внимание кому се доверувате, бидејќи некоја блиска личност би можела да ви ја украде профитабилната идеја.

Кога сонувате дека други дупчат дрво, тоа укажува на замор. Бројни деловни и приватни обврски ве исцрпија. Потребно ви е време кое ќе го поминете одморајќи  и уживајќи во дружење со семејството. Обидете се да бидете подобро организирани за да можете да се посветите на хоби или едноставно да се опуштите со читање книга или гледање телевизија.

Дупчење уши

Ваквиот сон укажува на тоа дека сте оптоварени со ситници. Од помали проблеми  правите трагична ситуација, и покрај тоа што другите ве тешат, вие и понатаму  „терате“ по свое. Не жалете се и не барајте совет ако не сакате ни да ги земете во  разгледување.

Доколку во вашиот сон гледате како другите дупат уши, тоа значи дека ќе се посрамите во поголемо друштво. Ќе присуствувате на разговор на тема што не ја познавате доволно и ќе кажете нешто што ќе предизвика потсмев кај присутните. Ова ќе ви послужи како лекција во иднина да не зборувате за она за што не знаете ништо.

Значењето на сонот може да биде поедноставно. Ако вашата работа подразбира  дупчење или сте имале работи во куќата, тоа сигурно ви оставило впечаток.