Сонување брич предупредува на сиромаштија, грижи, немаштија.

Што значи да сонувате брич?

Ако се бричите во сон

Доколку сами се бричите во сон, тоа предупредува на загуби. Нема да внимавате на што трошите пари, ниту ќе одвојувате за црни денови. Ќе сакате да се истакнете во друштвото и секогаш да имате најнов телефон, автомобил и други работи што покажуваат дека добро заработувате. Меѓутоа, во наредниот период ќе настапат потешкотии што ќе влијаат на намалувањето на вашите приходи.

Нема да можете да си дозволите многу работи во кои сте уживале порано. На почетокот ќе ви биде тешко да се навикнете на новиот стандард, кој ќе донесе со себе и многубројни  одрекувања.

Ако сонувате дека ја бричите брадата

Сонувањето дека ја бричите брадата означува дека ќе мора да признаете пораз. Повеќето од вашите планови нема да се остварат, бидејќи ќе имате нереални очекувања. Би сакале да постигнете успех преку ноќ, па негативниот исход ќе ве разочара.

Често нема да имате трпение да ги исправите грешките во размислувањето и тоа ќе ви биде камен на сопнување во иднина.

Ако сонувате дека бричите некого

Кога сонувате дека бричите други, тоа подразбира дека ќе успеете во бизнисот. Која било работа да ја започнете, лесно ќе најдете соработници со кои без проблем ќе се договорите за најситните детали.

Клиентите ќе бидат воодушевени од вашиот начин на работа и посветеноста што ве одликува.

Ако бричите мустаќи во сон

Ако сонувате дека бричите мустаќи, тоа укажува на потребата да се отворите  целосно за некого. Веројатно неодамна сте стапиле во врска со личност која целосно ве импресионирала. Се трудевте во негово/нејзино присуство да изгледате  што е можно подобро и попривлечно, поради тоа сега ви се чини дека цело време сте се претварале и сакате тој/таа да ве запознае какви што сте. Вие, пред сè, треба да се сакате себеси, бидејќи тоа е единствениот начин друга личност да ве засака.

Ако некој ви ги бричи мустаќите

Кога сонувате дека други ви ги бричат мустаќите, тоа значи дека конечно ќе ги прифатите предностите и маните на вашиот партнер и ќе престанете да се обидувате да го/ја промените.

Ако вие бричите мустаќи во сон

Доколку во сон вие некому бричите мустаќи, тоа го симболизира стравот од одговорност. Ситуацијата ќе ве натера да преземете некоја сериозна работа врз себе. Ќе се обидете да одбиете, но во моментов не сте во можност да бирате. Без оглед колку тоа ви е мачно или тешко, засукајте ги ракавите и покажете дека сте способни успешно да ја завршите задачата.

Ако бричите раце

Доколку маж сонува дека ги бричи рацете, тоа може да укажува на опасност.

Ако бричите глава

Сонувањето дека ја бричите својата глава значи дека ќе мора да бидете поотворени и поискрени, не само кон другите, туку и кон самите себе. Долго се криете зад „маските“ што самите ги направивте како заштитен механизам. Меѓутоа, ако сакате луѓето да ве прифатат и да ве засакаат такви какви што сте, ќе мора да ја тргнете таа маска и да го покажете своето „вистинско“ лице.

Ако во сон некој друг ви ја бричи главата, тоа укажува на недостиг на доверба во луѓето. Можно е некои луѓе да ве повредиле во минатото и сега се плашите дека оваа болка може да ви се случи повторно. Мора да бидете свесни дека не се сите луѓе исти, ниту сите имаат лоши намери. Ако им дадете шанса, тие можеби ќе ви го покажат тоа сами.

Сон во кој вие ги бричите главите на други ја симболизира вашата потреба да бидете во центарот на вниманието. Вие сте секогаш најгласен и честопати ги засмејувате другите со своите симпатични коментари. Сакаат да ве видат во секое друштво и не ви претставува проблем да стекнувате нови познанства и пријателства.

Сепак, поради ова, вашиот емотивен живот често страда. На лицата од спротивниот пол им оставате впечаток на несигурна личност на која друштвото ѝ е поважно од љубовта.

Ако бричите нозе

Сонувањето дека ги бричите нозете значи дека навистина се грижите за вашиот углед. Со години се трудите да изградите добра репутација и ќе направите сè за ништо да не ја наруши. Тоа навистина е голем товар што го прави животот сè повеќе закана отколку уживање, но вие се помиривте со тоа и храбро „туркате“ понатаму. Сепак, понекогаш би требало да попуштите затоа што сте оптоварени со непотребни работи.

Ако сонувате дека други ви ги бричат нозете, тоа укажува на размазеност. Веројатно ги гледате сите луѓе околу себе како „поданици“. Тие се во ваша служба и вие се лутите кога тоа не е така. Вашето однесување е многу лошо и често сте свесни за тоа, но не сакате да го менувате затоа што е убаво кога другите ви удоволуваат во сè.

Кога во сон вие некому му ги бричите нозете, тоа значи дека би можеле да се чувствувате понижено во блиска иднина. Можно е некој колега да добие унапредување или покачување, иако мислите дека тој не го заслужил тоа. Повеќе од тоа ќе ве измачува фактот дека вложивте толку многу напор, а работодавачот не одлучи да ве награди. Ќе се чувствувате навредено, па затоа ќе посакате да ја смените работата.

Ако купувате брич

Сон во кој купувате брич укажува на тоа дека ќе бидете унапредени на работа. Шефовите конечно ќе сфатат колку им значите и ќе одлучат да ве наградат со подобра и подобро платено работно место. Со тоа доаѓа и поголема доза на одговорност, така што ќе мора да поминувате повеќе време на работа, што во моментов никако не ви одговара.

Ако продавате бричеви

Доколку во сон продавате бричеви, тоа подразбира дека ќе претрпите штета. Можно е автомобилот или апарат за домаќинство да ви се расипе. Со оглед на тоа што не ги испланиравте овие видови трошоци во својот месечен буџет, поправката ќе треба да почека до следниот месец.

Ако подарувате брич

Ако некој во сон ви подари брич, тоа значи дека покрај себе имате личност чии намери не се сосема искрени. Ќе се обиде да ве искористи за да ја постигне својата цел. За среќа, ќе го сфатите тоа на време, па ќе избегнете посериозни последици. Бидете внимателни кога склучувате договор за купопродажба. Прочитајте ја внимателно секоја ставка за да не се покаете подоцна.

Ако добиете брич на подарок

Кога сонувате дека некој ви подарил брич, тоа симболизира недостиг на самодоверба. Во последно време ви се случуваа некои грди работи, што остави трага на вашата психа. Сè потешко се одлучувате на некои потези, бидејќи се плашите од неуспех. Мора да бидете свесни за своите квалитети и можности и да не се плашите да покажете сè што можете.

Ако се исечете на брич

Ако сонувате дека сте се исекле на брич, тоа укажува на разочарување. Ќе ве повреди личност од која најмалку сте се надевале на такво нешто. Неговата/нејзината намера нема да биде лоша, но ќе ви треба некое време да му/ѝ простите.

Ако сонувате бербер

Кога во сон ќе видите бербер, тоа значи дека ќе претрпите загуба.

Значењето на сонот може да биде поедноставно. Ако неодамна сте се избричиле или сте биле на бербер, веројатно тоа е причината за вашиот сон.

Дефиниција за бричење

Бричење е процес на отстранување брада или мустаќи со помош на брич (жилет).