Апел на фризерка до клиентките: „Правите некои ужасни работи кај мене во салон - кои се тие?“
- Детали
- вторник, 17 јануари 2023
„На место број 1 е нечистата коса. Кога клиентка ќе ми дојде со навистина нечиста коса ми доаѓа да ѝ кажам „не“. Навистина не сакаме да ја допираме вашата со денови неизмиена коса, која непријатно мириса“, се жали фризерката Емили Пајтел од Австралија.
Емили Пајтел e фризерка и козметичарка од Австралија, која искрено на социјалните мрежи ги споделува маките од својата професија.
Таа во видеа на ТикТок ги кажува своите поплаки од клиентите:
На место број 1 е нечистата коса. Кога клиентка ќе ми дојде со навистина нечиста коса ми доаѓа да ѝ кажам „не“. Навистина не сакаме да ја допираме вашата со денови неизмиена коса, која непријатно мириса.
Втората работа што ми е навистина непријатна е кога клиентките ме зјапаат во очи додека јас им ставам шампон и им ја тријам косата. Непријатно ми е, затворете ги очите и уживајте.
Третата работа која ме вади од такт е кога клиентка ќе ми задоцни, но се појавува на врата со кафе за носење во рацете – успеа да купиш кафе, а не успеа да стигнеш на време? Исто така мразам кога ќе задоцнат, а нема ниту да ми се извинат и да ми објаснат што се случило.
Четвртата работа која ме нервира е кога клиентката си ја врти главата за да се види во огледало додека потстрижувам. Не го правете тоа, деконцентрира, ќе се видите на крај.
Исто така ме нервира кога ја мрдаат столицата, па ме прашуваат дали потстрижувањето на деца се наплаќа помалку, па велат дека им е потребна промена, а кога ќе им дадам смели идеи се плашат, кога од црнокоси сакаат да се претворат во русокоси за еден час, кога не знаат да објаснат што точно сакаат, туку треба да им читам мисли, кога ми поставуваат премногу лични прашања додека работам итн.
Најтешко ми е што додека се случува сето ова јас морам да останам ведра, пријателски настроена и да не се жалам.
С. С. | Црнобело / фото: depositphotos.com
Би можело да ве интересира:
Препорачуваме
Најчитани неделава
