Собира пари како жртва на измамникот од Тиндер, а патува на луксузни дестинации – која е девојката што „живее на туѓ грб“?

Таа открива дека денес воопшто не би сакала да има каков било контакт со Сајмон и го сожалува затоа што тој се грижи само за себеси.

„Личноста што мислев дека ја познавам, никогаш не постоеше. Се чувствуваме како некој пријател да ми починал“ – вели таа.

Пернила смета дека откако Сајмон го погледнал нејзиниот Инстаграм профил каде таа редовно објавува фотографии од патувања, верувал дека таа има милиони.

„Секако, на Инстаграм ги покажувате само убавите работи, а не сметките што ви се трупаат. Никој не сака да го види тоа“ – вели таа.

Пернила често објавува фотографии од Грција, Италија и од цела Европа. Прашана за тоа како по сите долгови може да си ги дозволи патувањата, таа вели дека тоа е благодарение на тоа што има пријатели на секаде и често им оди во посета.

Прочитајте и Факти за Ајлин, последната жртва на измамникот од Тиндер, која на крај успеа да го измами и стана модерен херој

Б. С. Б. | Црнобело