Таа беше единствената жена на прес-конференцијата на Талибанците, а сега се соочува со смртна казна: „Бремена сум, а не сум во брак“
- Детали
- недела, 30 јануари 2022
Таа беше единствената жена што беше присутна на прес-конференцијата на Талибанците откако тие ја преземаа власта во Авганистан, а сега вели дека се соочува со „смртна казна“ затоа што е бремена, а не е омажена.
По преземањето на власта на Талибанците во Авганистан светот го обиколи приказната за храбрата новинарка Шарлот Белс од Нов Зеланд која беше единствената жена што се појави на прес-конференцијата на Талибанците.
Шарлот Белс од Нов Зеланд е новинарка на Al Jazeera, таа упати отворено писмо до медиумите во родниот Нов Зеланд во кое говори за заканата со која се соочува, затоа што земјата од каде што потекнува (Нов Зеланд), ги затвори границите поради светската пандемија.
Како што вели, голем број од луѓето ја знаат по тоа што била единствената жена на прес-конференцијата на Талибанците по нивното преземање на власта во Авганистан и се дрзнала да ги праша „Што ќе направат за да ги заштитат правата на жените и девојчињата“.
„Она што никој не го знае е дека една недела по таа конференција останав бремена.
Со години наназад лекарите ми велеа дека никогаш нема да имам деца. Се предадов на кариерата и се помирив со судбината. Сега за време на ’падот на Кабул‘ се случи чудо“ – вели таа.
Шарлот дознала дека е бремена додека престојувала во Доха, Катар, но и таму се соочила со слични закани, затоа што и во таа земја исто така е незаконски жена да остане бремена доколку не е во брак.
Таа вели дека ја прашала докторката што ја прегледала дали ќе им каже на властите дека е бремена.
„Нема да им кажам, но мора да те предупредам дека или треба да се омажиш или да побегнеш од земјата што е можно побрзо“ – рекла докторката, а раскажува Шарлот.
Нејзиниот партнер, кој е по потекло од Белгија успеал да излезе од Кабул, па заедно побегнале во неговата земја со надеж дека Нов Зеланд во меѓувреме ќе ги отвори границите и ќе успеат да стасаат таму на безбедно.
Но, во Белгија како жител на Нов Зеланд таа смеела да престојува само три месеци и откако Нов Зеланд не ѝ дозволил да се врати дома, таа била принудена повторно да оди во Авганистан, единствената земја каде имала виза за престој и каде се наоѓа во моментов.
Иако, тамошните власти ја убедиле дека нема да има никаков проблем доколку се породи во нивната држава, таа не е премногу уверена во тоа и вели дека условите во земјата се ужасни и дека во болниците условите за породување се нехумани.
Лекарите не прават породувања со царски рез, а единствениот лек што родилките ги добиваат е парацетамол и тоа доколку имаат среќа да не се потрошени резервите.
„Овде породувањето може да биде смртна казна“ – вели таа.
Храбрата новинарка повторно побарала да ѝ се дозволи влез во Нов Зеланд и повторно била одбиена, па сега се обидува да се бори со заканите работејќи го тоа што најдобро го знае, па својата приказна ја пренесува во медиумите.
Се надева дека оваа приказна ќе допре до властите во Нов Зеланд и ќе им се овозможи поинаков третман на луѓето кои подолг период чекаат за да се вратат дома и кои се соочуваат со закани по живот во некои од земјите каде што престојуваат.
Прочитајте и Новинарката што го воодушеви светот - единствената жена на прес-конференцијата на Талибанците
Б. С. Б. | Црнобело
Би можело да ве интересира:
Препорачуваме
Најчитани неделава
